Lăp đing nao, lu čơđai nao pơ sang ia jrao lơ̆m ruă kơtang laih yua amĭ ama ƀu kơđiăng. Ƀơi Anih pơjrao čơđai, Sang ia jrao prong kual Dap Kơdư, čơđai đih pơ sang ia jrao yua ruă pơtah čroh hơmâo ƀơi djŏp hnưr thun laih, lu biă ñu lĕ čơđai yŭ 5 thun. Mơ̆ng akŏ thun truh ră anai, hơmâo năng ai 500 čô čơđai ruă kian pruăi nao pơkă hăng pơjrao pơ anai.

Hơdôm hrơi giăm anai, mrô čơđai đih pơ sang ia jrao pơjrao yua tơlơi ruă pơtah čroh jai lu, mơ̆ng 20-25 čô rim hrơi. Hăng mrô čơđai pơtah čroh jai hrơi lu jing tơlơi pơhŭi hlâo kiăng amĭ ama ƀing čơđai kơđiăng hloh amăng bruă pơgang hlâo tơlơi ruă pơtah čroh ƀơi ƀing čơđai, yua dah pơtah čroh dong tal 2 amăng hơdôm tơlơi ruă ngă djai ƀơi ƀing čơđai yŭ 5 thun.