VOV4.Jarai - Tui hăng tơlơi lăi pơthâo mơ̆ng Anom bruă wai pơgang tơlơi duam ruă tơring čar Dak Lăk, ƀơi tơring čar phrâo pơsit hơmâo mơnuih djai yua kơƀam ƀong amăng bah tơkai tơngan.

VOV4.Jarai - Tơdơi kơ hrơi blan tơnap tap yua kơƀah jrao hăng gơnam gah ia jrao, dua blan laih rơgao, Sang ia jrao tơring glông Krông Ƀuk, glăk pơhưč lu mơnuih duam ruă nao khăm hăng pơjrao. Anai lĕ sa amăng ƀiă sang ia jrao amăng tơring čar Dak Lak dưi pơsir hĭ bruă kơƀah jrao hăng gơnam gah ia jrao, ngă tui klă bruă jao bơwih brơi tơlơi suaih pral kơ mơnuih ƀon sang.

VOV4.Jarai-Yap truh lơ 30.10, tơring čar Gia Lai hơmâo 12 čô mơnuih laih djai yua kman djơ̆ tuai asâo yang ngă yap mơ̆ng akŏ thun 2023.

VOV4.Jarai - Ruă pruăi rơbêh jing tơlơi ruă hŭi rơhyưt ƀing ta amuñ bưp biă, tha ƀudah čơđai lêng kơ amuñ ruă. Tơlơi ruă tơdah tañ thâo hăng pơjrao tañ lĕ huăi bơbeč kơ tơlơi suaih pral ôh. Tơdah ƀu tañ thâo lĕ amra hŭi rơhyưt biă mă, tap năng ba truh tơlơi djai brŭ mơtăm.

VOV4.Jarai - Ră anai, tơring čar Dak Lăk glăk amăng bơyan hơjan, hrơi mông gêh gal keč brung čeh čar ngă duam đung drah. Hrŏm hăng anun lĕ mrô mơnuih duam đung drah jai hrơi lu tui. Mah anai lĕ tơlơi ruă ƀă hyu, hơmâo na nao rim thun samơ̆ ăt hơmâo mơn pô djai hăng lu tơlơi phara, amăng anun hơmâo ƀu ƀiă ôh mơnuih ruah anih pơjrao ƀu klă, khăm ƀu djơ̆, đih pơ sang ia jrao kaih đơi, jing ruă kơtang laih anun bưp lu tơlơi ruă phara, amuñ djai. Ƀơi anai lĕ tơlơi čih mơ̆ng ƀing hyu mă tơlơi pơhing ƀơi Sang ia jrao prong kual Dap Kơdư kơ tơlơi anai.

VOV4.Jarai – Rơnuč blan 9 phrâo rơgao, ƀơi plơi prong Plei Ku, Anom kơsem min tơlơi klin ruă dêh čar ta gum hrŏm hăng Jơnum min mơnuih ƀôn sang tơring čar Gia Lai pơphun Jơnum “Kơtưn bruă mă hơdôm bơnah bơdjơ̆ nao amăng ngă tui hơdôm jơlan gah abih bang pơgang, pơgăn tơlơi ruă djơ̆ tuai gah jơlan hơdră lŏn ia 2022-2030”. Gia Lai ăt jing anih hmâo mrô mơnuih djai yua kơ ruă djơ̆ tuai lu hloh đơ đam dêh čar, khom hmâo jơlan gah khut khăt pơgang, pơgăn tơlơi ruă anai.

VOV4.Jarai - Gơnong bruă ia jrao tơring čar Dak Lak glăk ječ ameč pok pơhai hơdôm hơdră kiăng pơgang hŭi kman lar hyu.

VOV4.Jarai-Mơguah lơ 28/9, ƀơi plơi prong Plei Ku, Anom bruă ĕp kman duăm ruă dêh čar ngă hrŏm Jơnum min mơnuih ƀôn sang tơring čar Gia Lai hrŏm hăng hơdôm ding jum anom bruă pơphun ngă lơphet gưl dêh čar gum hrŏm Hrơi rŏng lŏn tơnah pơhlôm, pơgang tơlơi ruă asâo djơ̆ tuai thun 2023 hăng akŏ ñu “All for One, One Health for all”.

VOV4.Jarai – Ngă amĭ pơhlôm klă hăng rông ană suaih pral lĕ tơlơi čang rơmang hrŏm mơng abih bang ƀing ngă amĭ ama. Drơi jăn đah kơmơi tơdơi kơ tơkeng khom găn rơgao lu tơlơi pơplih hăng ană nge lơm phrâo tơkeng ăt khom gir run mơn pioh juăt hăng gah rơngiao kơ kiăn amĭ, tơdah đing nao djơ̆ hơdră amra djru dua amĭ ană tañ pơwot glăi kah hăng hơđăp, dua amĭ ană suaih pral, ană brô̆ prong klă.

VOV4.Jarai-Tui hăng anom bruă sem lăng tơlơi duăm ruă tơring čar Gia Lai, mơ̆ng blan 8/2023 truh ră anai, tơlơi ruă mơta hơmâo ƀơi 12/17 boh tơring glông, plơi prong, hăng rơbêh 4.600 čô mơnuih ƀă.