Mrô mơnuih duam đung drah ƀơi Lâm Đồng đĭ lu tui
Thứ sáu, 10:23, 31/05/2024
VOV Tây Nguyên/Siu Đoan Pơblang
![VOV Tây Nguyên/Siu Đoan Pơblang](/themes/custom/vov_4/images/avatar.png)
VOV4.Jarai-Lâm Đồng lĕ tơring čar hơmâo mrô mơnuih duam đung drah đĭ lu tui hăng hơdôm hơpluh čô mơnuih duam rĭm wŏt hrơi tơjuh, amăng anun hơmâo mơnuih djai.
Ră anai rĭm wŏt hrơi tơjuh, tơring čar Lâm Đồng hơmâo rơbêh 70 čô mơnuih duam đung drah. Đĭ tui mrô mơnuih duam đung drah amăng đơ đam tơring čar lĕ 1.200 čô, đĭ dua wŏt pơhmu tui tơđar thun hlâo. Amăng mrô anai, hơmâo 4 čô duam kraih hăng sa čô djai. Ơi Vũ Đức Nhuần, kơ-iăng khua Jơnum min mơnuih ƀôn sang tơring glông Di Linh brơi thâo, duam đung drah amăng tơring glông glăk kơtang tui hăng rơgao hăng tơlơi đăo lăng hlâo, hăng rơbêh 300 čô mơnuih duam ƀuh ƀơi 47 anih.
![Mrô mơnuih duam đung drah ƀơi Lâm Đồng đĭ lu tui](https://vov4-media.solidtech.vn/sites/default/files/styles/large/public/2024-05/so_ca_mac_sot_xuat_huyet_o_lam_dong_tang_manh__2.jpg)
Yua anun, bruă pơgang duam đung drah glăk hơmâo tơring glông pok pơhai khut khăt. Tơring čar Lâm Đồng hơmâo pơhŭi hlâo kơ bruă hơđuh đĭ duam đung drah amăng tơring čar, laih dong iâu pơthưr mơnuih ƀôn sang răng kơđiăng amăng pơgang duam đung drah.
Viết bình luận