Amăng mrô anun hmâo 4 čô čơđai djai amăng ia lơm mơmot hrơi tơjuh (19/5), pơ̆ să Phú Hội, tơring glông Đức Trọng, tơring čar Lâm Đồng. 4 čô čơđai mơ̆ng 6 truh 10 thun, bơjak nao rai nao pơ̆ dơnao ia gah tlôn sang dăng kông să Phú Hội mơnơi. Lơm mơnơi, 1 amăng 4 čô čơđai bor tơkai ia ƀlung. 3 čô čơđai dô̆ glăi ĕp hơdră pơtlaih brơi samơ̆ ăt ia ƀlung tui mơn.

Ăt amăng hrơi tơjuh (19/5) mơn, ƀơi să Ea Tih, tơring glông Ea Hleo, tơring čar Dak Lak, 2 čô čơđai phrâo hmâo 4, 5 thun, ăt dưi hmâo mơnuih amăng sang anô̆ ƀuh djai amăng dơnao ia thôn 4, să Ea Tih. Tơlơi truh ia ƀlung tal 3 pơ̆ să Ea Kao, plơi prong Buôn Ma Thuột, tơring čar Dak Lak, ngă 2 čô čơđai dô̆ ƀơi ƀuôn H'Đơk, să Ea Kao djai. Bôh than ba truh dưi pơsit yua kơ adai pơ-iă hang, ƀing čơđai bơjak nao rai nao mơnơi pơ̆ dơnao ia yua kơ mơnuih ƀôn sang klơi ƀơi đang hmua pioh mơnơi hăng ia ƀlung. Ră anai, glăk truh bơyan pơdơi prong, gơnong bruă pơtô pơhrăm hmâo pơtă amĭ ama čơđai khom lăng ba, đing nao truh ană bă kơjăp hloh kiăng huăi hmâo tơlơi truh păp ñai, amăng anun hmâo tơlơi ia ƀlung./.