Truh rơnuč thun 2023, tơring čar Gia Lai hơmâo 1 klăk 400 rơbâo čô mơnuih blơi hră pơhlôm nua ia jrao, jing hơmâo 91% mrô mơnuih. Amăng anun, mrô mơnuih djuai ƀiă blơi hră pơhlôm nua ia jrao năng ai 82%. Tơring čar ră anai hơmâo 38 boh sang ia jrao khăm pơjrao tơlơi ruă hăng hră pơhlôm nua ia jrao, pơhlôm lăng ba tơlơi suaih pral kơ mơnuih ƀôn sang.
Ƀơi mông jơnum, pơ ala kơ hơdôm boh sang ia jrao ƀơi Gia Lai lăi nao hơdôm bruă aka ƀu djơ̆: lu anom bơwih ƀong aka ƀu lăp đing nao ôh bruă blơi hră pơhlôm nua ia jrao kơ mơnuih mă bruă; bruă anom bruă pơhlôm nua mơnuih mơnam tơring čar kaih brơi prăk, bruă pơkă prăk khăm pơjrao tơlơi ruă aka ƀu djơ̆ hăng tơlơi kiăng mơ̆ng mơnuih ƀôn sang. tơring čar Gia Lai kiăng hơmâo hơdră lăp djơ̆ kiăng truh rơnuč thun 2025 hơmâo 95% mrô mơnuih blơi hră pơhlôm nua ia jrao, mơnuih djuai ania ƀiă jing 98%.
Viết bình luận