Tui bôh yôm 2 bơnah hmâo kĭ pơkôl, hơdôm hrơi ngă tui rơwang bruă mơ̆ng thun 2024-2026 hăng abih bang prăk gum djru mơ̆ng Gong gai dêh čar Japan lĕ 1,83 klai yên, dưm dưm hăng 300 klai prăk dêh čar Việt Nam, amăng anun hmâo abih bang hơdôm prăk mă yua bơdjơ̆ nao. Pơkă hlâo măi mok yua pơjrao amra jao kơ Sang ia jrao mă yua amăng 3 blah tal 4 thun 2025.

Pô pơ ala kơ Gong gai dêh čar Japan pơtŏng sit: Rơwang bruă dưi hmâo tơlơi dŏng yua prong mơ̆ng Gong gai 2 bôh dêh čar, jing anô̆ pơdah rơđah brơi tơlơi rô nao rai Việt Nam hăng Japan, bơnah gum hrŏm abih bang yua kơ tơlơi rơnuk rơnua hăng pơđĭ kyar ƀơi kual ASIA hăng ƀơi rŏng lŏn tơnah ƀrô djơ̆ tal hơdor glăi 50 thun hrơi akô̆ pơjing bruă pơtom hiăp kơplah wah 2 bôh dêh čar. Pơhiăp amăng mông ngă lơphet, Khua Ding jum ia jrao dêh čar ta Đào Hồng Lan pơtŏng sit, anai lĕ rơwang bruă tŭ yua yôm phăn biă amăng bruă pơđĭ bôh thâo pel ĕp, pơjrao tơlơi ruă bơbrŭ asar, bung ko gah gơnong bruă ia jrao Việt Nam./.