Tui hăng Anom wai lăng tơlơi duam ruă (CDC) tơring čar Dak Lak pô ruă anun čơđai đah kơmơi, tơkeng thun 2016, ƀơi să Ea Hồ, tơring glông Krông Năng. Tui hăng pô sang čơđai anai, lơ 17/7, čơđai anun pơ-iă drơi kơtang, ruă akô̆, dưi ba nao pel ĕp pơjrao ƀơi Sang ia jrao tơring glông Krông Năng.

Truh lơ 20/7, čơđai anai hmâo ba nao pơ̆ Sang ia jrao prong kual Dap Kơdư hăng tơlơi pơkă pơ-iă drơi sui/lăng tui bơbrah glô, hruh lôm glô. Lơ 25/7, bôh tơhnal pơčrang lăng brơi ƀuh čơđai djơ̆ kơman ngă bơbrah glô Japan. Sang ia jrao prong tơring glông Krông Năng hmâo pok pơhai pơsir anih anom dô̆ jum dar sang pô ruă hăng kơtưn hyu lăi pơhing kơ mơnuih ƀôn sang amăng kual, hơdôm bruă gơgrong hlâo pơgang pơgăn./.