Pô duam đah kơmơi djai, thun tơkeng 1976, plơi Čư̆ Bang, să Čư̆ Pơ̆ng, tơring glông Krông Ƀŭk. Tui hăng pô sang mơnuih djai, lơ 9/10, pô duam mưn hlor pơ-iă amăng drơi jăn kơtang biă mă, na nao ƀu lưh ôh, hlong bơrơbah mơtam laih anun ñu brơi blơi mă ia mơñum samơ̆ ăt ƀu lưh lơi. Mơ̆ng lơ 10-14/10, ba nao pơ sang ia jrao tơhan hăng mơnuih ƀôn sang ngă hrŏm ƀơi kông ty kơphê 15; sang ia jrao prong Hòa Bình, plơi prong Ƀuôn Hô; laih anun ba nao pơ sang ia jrao prong Thiện Hạnh hăng sang ia jrao prong kual Dap Kơdư.

Ƀơi djop sang ia jrao anun, arăng lăi ñu duam đung drah yua kman dengue, laih anun mơnuih duam rơmong plin hăng đung drah tơbiă ƀơi atong gah rơngiao hơtai boh, ngă hrŏ tơnŏk drah rô. Truh lơ 17/10, tơring čar Dak Lak čih pioh hơmâo 5000 čô mơnuih ƀă duam đung drah, amăng anun 3 čô mơnuih laih djai.