Tui gơnong bruă ia jrao Gia Lai, mơng akŏ thun truh ră anai, đơ đam tơring čar hơmâo rơbêh 2.000 čô mơnuih duam đet amăng drơi jăn him lăng ruă djơ̆ hmơi ƀơi 17 boh tơring glông, plơi prong amăng tơring čar. Amăng anun, mrô mơnuih him lăng ruă djơ̆ hmơi aka ƀu tlâ̆o vaccine dưm dưm 40%. Thun 2024, tơring čar hơmâo tlâ̆o pơgang brơi rơbêh 95% hăng ră anai glăk pok pơhai tlâ̆o ia jrao pơgang thun 2025, gir run pơgiong amăng blan 3 hăng hơnong pơkă tlâ̆o brơi vaccine kơ rơbêh 95% mrô čơđai kiăng tlâ̆o brơi.

Amăng mông mă bruă, grup hyu mă bruă mơng Ding jum ia jrao lăi pơtong, tơlơi kiăng hloh mơng bruă tlâ̆o vaccine pơgang, rơkâo Gia Lai pơgiong hră lăi pơthâo, pơtrut tañ bruă tlâ̆o pơgang hăng đing nao pơgang hŭi ƀă hyu ƀơi anih pơjrao. Hrŏm hăng anun, Gia Lai kiăng lăi pơthâo, pơplih pơkra bruă kiăo tui lăng klin kman hăng gum hrŏm kjăp kơplah wah hơdôm anom bruă bơdjơ̆ nao kiăng pơgang kman tŭ yua hloh.