Tui hăng hră lăi pơthâo, amăng anun 2023, Dak Lak ƀu hơmâo mơnuih ƀă kman djơ̆ hmơi ôh, samơ̆ truh mơkrah thun 2024, mrô mơnuih ƀă đĭ lu truh 900 čô, hrŏm hăng 31 čô mơnuih djơ̆ čut Rubella. 3 blan akŏ thun 2025, mrô mơnuih djơ̆ hmơi ăt đĭ lu truh 206 čô, đĭ hloh 100% pơkă hăng akŏ thun 2024, lu biă mă ñu ƀơi tơring glông Ƀuôn Đôn, Krông Pač, Mdrak hăng Ea Sup. 30% mrô mơnuih ƀă djơ̆ hmơi ƀơi Dak Lak lĕ ƀing čơđai mơ̆ng 1-4 thun, lu kơ čơđai aka ƀu tlâ̆o vaccine pơgang djơ̆ hmơi.

Thun hlâo, mrô mơnuih tlâ̆o vaccine pơgang djơ̆ hmơi ƀơi Dak Lak dưi ngă djop 95%, samơ̆ 2 blan akŏ thun anai kơnong 15% đôč. Ơi Võ Hải Sơn, Kơ-iăng khua anom bruă ia jrao pơgang duăm ruă, ding jum ia jrao brơi thâo, amra mă yua djop hơdră, ĕp ia jrao brơi tlâ̆o pơgang djop hăng pơgăn tañ klin djơ̆ hmơi ƀă hyu ƀơi Dak Lak, pơhlôm brơi djop mrô čơđai amăng thun muai khom dưi tlâ̆o ia jrao vaccine pơgang djơ̆ hmơi.