Tơring čar Dak Lak pok pơhai jơlan hơdră mơnuih mơnam pơplih phrâo pơčrang lăng NIPT kơ bơnai pikian
Thứ tư, 06:00, 04/06/2025
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai - Lơ 3/6, Sang ia jrao prong kual Dap Kơdư hăng Sang bruă bơwih ƀong mơnuih ƀôn sang Gene Solutions Lab kĭ pơkôl hră pơ-ar djă pioh pok pơhai jơlan hơdră “Pơplih phrâo bruă pơčrang lăng NIPT kơ bơnai pikian, pơđĭ dlông anô̆ kơjăp mrô mơnuih Việt”.
Jơlan hơdră djru đah kơmơi pikian, biă ñu mơnuih hmâo tơlơi hơdip mơda tơnap tap, tŭ mă pơčrang lăng hlâo kơ tơkeng huăi hmâo tơlơi bơdjơ̆ nao (NIPT).
Gene Solutions ƀơk 30 anung pơčrang lăng triSure NIPT phun ñu brơi đôč kơ bơnai pikian glăk pel ĕp ƀơi sang ia jrao. Bruă pơčrang lăng anai mă yua hơdră măi mok pơblang gen rơnuk anai, djru thâo tañ tơlơi ruă down, edwards, Patau... hăng rơnoh lăp djơ̆ rơbêh kơ 99%. Hơdôm mơnuih “amra hmâo tơlơi ruă” dưi lăi pơthâo hăng djru prăk pơkă lăng hlâo dơlăm. Jơlan hơdră pơhrư̆i truh abih lơ 31/6/2025./.
Viết bình luận