Tui hăng Anom wai lăng tơlơi duam ruă tơring čar Dak Lak, mơ̆ng akô̆ thun 2025 truh ră anai, đơ đam tơring čar čih pioh hmâo rơbêh kơ 620 čô mơnuih duăm hơđuh rai pơđeh, amăng anun 207 čô mơnuih  djơ̆ kơman ruă djơ̆ hmơi. Hơdôm mơnuih ruă biă ñu ƀơi hơdôm bôh tơring glông Buôn Đôn, Krông Pač, Ea Sup hăng M’drak, lu ñu akă hmâo tlâ̆o pơgang hlôm hlâo tơlơi ruă djơ̆ hmơi.

Pơkă hlâo bruă tlâ̆o vaccine pơgang hlôm hlâo amra pok phun tlâ̆o brơi rơbêh kơ 7.800 čô čơđai mơ̆ng 6 truh 9 blan hăng rơbêh kơ 34.600 čô čơđai mơ̆ng 1-10 thun. Ơi Hoàng Hải Phúc, Khua Anom wai lăng tơlơi duam ruă tơring čar Dak Lak lăi rơđah, kiăng bruă tlâ̆o pơgang ba glăi bôh tơhnal, khom hmâo tơlơi gum hrŏm mơ̆ng abih bang anom bruă kơđi čar, tơlơi gum hrŏm kơjăp kơplah wah gơnong bruă ia jrao hăng bruă pơtô pơhrăm amăng pel ĕp mơnuih, pơsur amĭ ama čơđai pơhlôm čơđai dưi tlâ̆o pơgang vaccine djơ̆ hrơi pơkă./.