Pô čơđai djai lĕ mô̆ Rčom H’Niê, tơkeng thun 2020, dŏ ƀơi plơi Hreng, să Hòa Phú, tơring glông Čư̆ Pah, Gia Lai. Tui hăng tơlơi tơña lăng mơ̆ng bruă ia jrao, pô čơđai duăm truh djai anai aka ƀu tlâ̆o vaccine pơhlôm djơ̆ hmơi ôh. Amăng 3 wơ̆t hrơi tơjuh hlâo kơ anai, lơ̆m hơmâo tơlơi duăm ƀlĕ pơđeh, mô̆ H’Niê ƀu hơmâo tơbiă hyu mơ̆ng plơi pla sang anŏ ôh, kơnong dŏ amăng sang hăng nao sang hră đôč. Adơi đah rơkơi pô djai anai, ăt duăm rơwư̆ anun mơ̆n laih anun hlăk dŏ đih pơjrao ƀơi sang ia jrao đing ƀă djơ̆ hmơi mơ̆n.

Tơdơi kơ hơmâo čơđai djai yua duăm djơ̆ hmơi, anom bruă ia jrao tơring čar Gia Lai pơphun brơi nao pruih ia jrao pơdjai kman amăng plơi pla, anih mô̆ anet anai dŏ hăng sang hră ñu hrăm, laih dơ̆ng kơtưn bruă pơtô lăi ană plơi pla, ba ană bă anet nao tlâ̆o vaccine pơgang djơ̆ hmơi, kiăng pơgăn klin ƀăn hyu tơnap tap.Yap truh mông anai, ƀơi Gia Lai hơmâo čih pioh 2.500 čô čơđai duăm đing lĕ djơ̆ hmơi hăng 217 čô pơčrang drah hơmâo kman djơ̆ hmơi sit laih.