Tơring čar Dak Lak glăk pok pơhai ha amăng plĕ lu bruă pioh wai lăng hăng pơgăn klin duam pơđung drah, lơm mrô mơnuih ruă đĭ tañ hăng hmâo laih mơnuih djai. Truh ră anai, đơ đam tơring čar Dak Lak čih hmâo rơbêh kơ 2.600 čô mơnuih duam pơđung drah, hơnong ñu rim hrơi hmâo 30 truh 100 čô mơnuih hmâo tơlơi ruă anai.

Kah hăng abih bang hơdôm bôh să, phường leng kơ hmâo mơnuih ruă, amăng anun lu ñu ƀơi phường Buôn Ma Thuột, hơdôm kual kah hăng Krông Pač, Čư̆ Mgar, Sơn Hòa hăng Sông Hinh. Sa čô mơnuih djai dưi čih djă pioh. Jơnum min mơnuih ƀôn sang tơring čar Dak Lak hmâo mă yua laih hră pơ-ar ječ, črâo ba hơdôm plơi pla pơphun bruă pơdjai lăng kuăng, rơgai rơmet anih anom dô̆ tui rim blan; kơtưn lăi pơhing pơđĭ tui tơlơi pơmin mơnuih ƀôn sang. Bruă ia jrao ăt pok pơhai mơn bruă lăi pơhing, pơtă mơnuih ƀôn sang gơgrong hlâo agaih rơmet pưk sang, pơdjai keč, bĕ keč kĕ hăng hơdôm hơdră lăp djơ̆. Hrŏm hăng anun pơphun abih bang bruă lăng tui, pel ĕp pơsir anih klin ngă hăng pơphun tŭ mă mơnuih ruă pơjrao tơlơi ruă./.