VOV4.Jarai-Grup hyu mă bruă mơ̆ng Anom bruă pơgang duăm ruă, Ding jum ia jrao hơmâo mông mă bruă hăng Gơnong bruă ia jrao tơring čar Dak Lak pioh ĕp lăng bruă pơhlôm pơgang klin djơ̆ hmơi ƀlĕ pơđeh ƀơi čơđai muai.

VOV4.Jarai - Ƀơi anăp pơplih klin djơ̆ hmơi ngă tơnap, gơnong bruă ia jrao tơring čar Dak Lak glăk pok pơhai tañ bruă tlâ̆o pơgang hlôm hlâo brơi rơbêh kơ 42.000 čô čơđai amăng blan 3 anai.

VOV4.Jarai-Việt Nam hlăk yak nao amăng bơyan hơmâo klin djơ̆ hmơi, djơ̆ čut juăt ñu amăng 5 thun 1 wơ̆t ñu hơmâo glăi, mrô mơnuih ƀă lu bia wmă pơkă hăng thun 2024 laih anun hơmâo laih 5 čô mơnuih djai yua djơ̆ čut. Anun lĕ tơlơi pơhing lăi pơthâo amăng môgn jơnum ƀơi dêh čar pơƀuh ƀô̆ mơta lăng nao rai amăng tivi, lăi nao kơ bruă pơhlôm pơgang klin djơ̆ hmơi, djơ̆ čut yua Ding jum ia jrao pơphun phrâo anai ƀơi Hà Nội. Pô čih tơlơi pơhing Văn Hải čih pơthâo:

VOV4.Jarai-Tơlơi ruă bơbrah tơsâo lĕ tơlơi ruă ngă bum ia nah ƀơi tơsâo. Anai lĕ tơlơi ruă juăt ƀuh ƀơi đah kơmơi glăk rông ană nge, bơdjơ̆ sat nao tơlơi suaih pral, ƀing ră kơtang amra ngă bơbrŭ tơsâo. Yua anun kiăng tañ ĕp ƀuh hơdôm nam ruă bơdjơ̆ nao bơbrah tơsâo kiăng đah kơmơi, sit biă ñu ƀing glăk rông ană nge tañ ƀuh hăng pơjrao hmao tlôn, bĕ hĭ hơdôm tơlơi sat răm.

VOV4.Jarai-Lu thun hăng anai, anom bruă ia jrao hăng tơlơi pơhing pôr pơhŭi na nao tơlơi măt rua yua kơ mơñum tơpai ia lăk dưm Methanol. Amăng hơdôm hrơi hlâo, amăng mông ƀong têt hăng tơdơi kơ têt thun anai, ăt hơmâo đôč mơnuih mut đih sang ia jrao yua măt hlong ruă ia Methanol hram amăng drah, biă mă ñu hơmâo dua čô mơnuih dêh čar tač rơngiao djai ƀơi ƀôn prong Hội An, tơring čar Quảng Nam, tơdơi kơ mơñum djơ̆ tơpai ngă mă hăng ăngkôl Methanol, ia jrao anai pơjrao tơlơi ruă ƀơi sang ia jrao đôč, ƀing mơdrô pơkra mă tơpai ia lăk lŭk hăng Methanol, sa gêt čai jing dua gêt čai tơpai ia lăk. Tơlơi anai, sa wơ̆t dơ̆ng kiăng pơhŭi kơ abih bang ƀing mơñum tơpai arăng lŭk hăng ia jrao Methanol, ta ƀu thâo krăn ôh sit arăng sĭ tơpai djơh hăng anai.

VOV4.Jarai - Amăng hơdôm thun jê̆ hăng anai, bruă ia jrao mơnuih ƀôn sang hmâo djru lu biă bruă pơjrao tơlơi duam ruă ƀơi Dak Lak. Hăng tơlơi pơđĭ kyar kơtang kơjăp mơ̆ng hơdôm bôh sang ia jrao mơnuih ƀôn sang, mơnuih ƀôn sang amăng tơring čar ƀu kơnong kơ hmâo dong ruah mă kơ anih pel ĕp pơjrao tơlơi duam ruă ôh mơ̆, ñu dô̆ dưi tŭ mă mơ̆ng tơlơi pơplih phrâo kơ anih anom mă yua, măi mok hăng pơđĭ tui bruă mă gah ia jrao.

VOV4.Jarai-Tom brơi, lơ 27/2, tơring čar Dak Lak jơnum hơdor glăi 70 thun Hrơi pioh kơ ƀing ơi ia jrao Việt Nam lơ 27/2/1955-lơ 27/2/2025, čih pioh hăng bơni tơlơi pơđĭ kyar hmar laih anun bruă mă pơgôp prong prin mơ̆ng ƀing ơi ia jrao gah anom bruă ia jrao, djru wai lăng tơlơi suaih pral kơ mơnuih ƀôn sang thun blan rơgao ƀơi đơ đam tơring čar.

VOV4.Jarai-Giăm 20 thun jĕ giăm tong ten hăng guai dêh čar, ơi ia jrao Nguyễn Văn Quốc Trí, Kơ-iăng khua anom pơjrao ling tơhan hăng mơnuih ƀôn sang či să A San gah Puih tơhan pơgang guai dêh čar Tr’hy, Anom tơhan pơgang guai dêh čar tơring čar Quảng Nam gir run biă mă hơduah ĕp, hrăm tui tơlơi kiăng thâo lu amăng bruă mă, pơgang tơlơi suaih pral mơnuih ƀôn sang kual guai dêh čar. Biă mă ñu, lu thun laih rơgao, ơi ia jrao Trí, dŏ pơjrao brơi kơ lu mơnuih ƀôn sang măt bơmao, ƀong hla măt, pơjrao hong dŭi, ala čoh, boh nik ñu đah kơmơi pi kian tơkeng krah jơlan ...Hơdôm bruă mă hiam klă mơ̆ng ơi ia jrao Nguyễn Văn Quóc Trí pơdah rai tơlơi khăp, gum pơgôp, lir hơbit plah wah ling tơhan hăng mơnuih ƀôn sang, kiăng pơđĭ tui tơlơi đăo kơnang amăng pran jua mơnuih ƀôn sang ƀơi kual guai dêh čar.

VOV4.Jarai - Pơjing ană amăng đing jing jơlan gah djru bruă ƀă ană rơnuk anai hăng ba glăi bôh tơhnal hloh ră anai pioh kơ hơdôm rơkơi bơnai tơnap ƀă ană. Tui hăng mrô yap, mrô mơnuih plao ƀơi abih bang bơnai hăng rơkơi ră anai glăk lu tui, djơ̆ hrŏm hăng bruă jai hrơi jai lu sang anô̆ hơduah ĕp jơlan gah pơjing ană amăng đing hăng čang rơmang ĕp hmâo ană bă. Khă hnun hai, anai lĕ sa hơdră kơsem min gah ia jrao khom kiăng lu prăk pran, yua anun rim rơkơi bơnai khom thâo tŏng ten hăng mă yua hơdôm tơlơi pơtă mơ̆ng ơi ia jrao pioh đĭ rơnoh truh kih amăng bruă pơjing ană amăng đing.

VOV4.Jarai-Hơdôm thun giăm anai, bruă čơđai tañ truh tơdăm dra jai hrơi ƀuh lu tui ngă kơ lu amĭ ama bơngŏt. Bruă tañ truh tơdăm dra ƀu djơ̆ amra bơdjơ̆ nao tơlơi suaih pral, bruă bơbrô̆ prong drơi jăn đôč ôh mơ̆ ăt bơdjơ̆ nao drơi jăn pran jua mơng ƀing čơđai. Lu amĭ ama đing nao, tañ ƀuh ană bă tañ truh tơdăm dra kiăng kơ ba nao khăm, pơjrao brơi samơ̆ ăt hơmâo lu amĭ ama aka ƀu thâo hluh rơđah kơ bruă anai, ƀu hơmâo tơlơi pơgang bong glăi hmao tlôn, ngă bơdjơ̆ sat nao ƀing čơđai. Kiăo tui anai lĕ tơlơi čih mơng ƀing mă tơlơi pơhing črăn hơdră ƀơi anom pơjrao čơđai muai, sang ia jrao prong kual Dap kơdư amra lăi nao tơlơi anai.