Ƀơi mông jơnum, khua mua jơnum min mơnuih ƀôn sang tơring čar lăi pơtong, tơlơi suaih pral lĕ sa tơlơi yom hloh ba glăi boh tŭ yua amăng tơlơi hơdip mơda mơda mơnuih ƀôn sang hăng anŏ pơđĭ kyar hơđong kơjăp ƀơi tơring čar.

Tui hăng anun, djop gưl anom bruă ăt pơtrut bruă ngă pơtô pơblang, pơđĭ tui tơlơi thâo hluh amăng mơnuih ƀôn sang kơ bruă wai pơgang suaih pral; laih dơ̆ng pơđĭ tui anŏ hiam klă amăng tơlơi hơdip mơda, pơjrao duăm ruă, kơtưn hơdră pơhlom pơgang hăng bong glăi hăng klin kheng duăm ruă. Lơ̆m pơblih ayuh hyiăng hăng klin kheng dŏ hơmâo đôč pơ anăp adih, hŭi tơlơi ƀu tơphă tơphai, mơnuih ƀôn sang kiăng kơđiăng hloh prăp lui hơdră pơhlom pơgang tañ, mơ̆ng ataih, akŏ pơjing tơlơi dŏ dong ƀong huă hiam klă, djru hrŏm akŏ pơjing anih anom hơdip mơda thâo rơgơi, rơgoh hơdjă, mơtah mơda.