Lâm Đồng ječ ameč pơgang klin kơčung amăng bah, tơkai tơngan ƀơi sang hră
Thứ hai, 15:12, 06/04/2026
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Ƀơi anăp klin ruă kơčung amăng bah, tơkai tơngan kơtang ƀơi tơring čar, Gơnong bruă ia jrao Lâm Đồng phrâo mơit hră ječ kơ Gơnong bruă pơtô hăng pơjuăt, Jơnum min mơnuih ƀôn sang 124 boh să, phường, kual phara hơjăn hrŏm hăng hơdôm anom apăn bruă kiăng pơhlom pơgang klin kơčung amăng bah, tơkai tơngan kơtang hloh amăng sang hră.
Mơ̆ng akŏ thun truh ră anai, tơring čar Lâm Đồng hơmâo 1.073 čô mơnuih ruă kơčung amăng bah, tơkai tơngan, ƀơi năng ai 95% čô čơđai yŭ 5 thun. Him lăng pơ anăp, klin hơđuh kơtang hloh dong.
Kiăng pơgang hlâo, Gơnong bruă ia jrao Lâm Đồng kiăng Gơnong bruă Pơtô hăng Pơjuăt git gai hơdôm boh sang hră, biă ñu anih muai hăng gưl sa, pok pơhai ngă tui klă hơdră pơgang klin, phun ñu lĕ ngă tui tơlơi pơtô “3 hơdjă”: ƀong mơñum hơdjă, dŏ hơdjă, plă tơngan hơdjă. Gơnong bruă ia jrao ăt kiăng sang hră ngă hrŏm kjăp hăng ƀing ñu amăng bruă pôr pơthâo, krăp lăng, pruih jrao ƀơi anih hơmâo klin; pơtô pơblang kơ ƀing nai, amĭ ama čơđai thâo krăn nam ruă hăng thâo pơgang.
Viết bình luận