Gơnong bruă ia jrao tơring čar glăk kơtưn hơdră pơgang kiăng kơ plai ƀiă ƀuh mơnuih ruă phrâo dong kah hăng pơjrao brơi klă hloh ƀing mơnuih ruă. Mơng akŏ thun truh ră anai, tơring čar Dak Lak hơmâo 602 čô mơnuih ruă ƀam ƀong tơkai, tơngan hăng mơbah ƀơi ƀing čơđai, đĭ 10% pơhmu tui tơđar thun hlâo, aka ƀu hơmâo pô hlơi ôh djai. Sa, dua boh ƀon lan hơmâo mrô mơnuih ruă lu anun lĕ phường Buôn Ma Thuột, Tuy Hòa, hơdôm boh să Sông Hinh, Krông Pač, Liên Sơn Lăk, Buôn Đôn, Cư̆ M’gar…

Ơi ia jrao Hoàng Hải Phúc, Khua anom bruă pơgang tơlơi duam ruă tơring čar Dak Lak brơi thâo, ayuh hyiăng pơ-iă hang ngă tơlơi ruă ƀam ƀong tơkai, tơngan hăng mơbah hơđuh đĭ. Gơnong bruă ia jrao tơring čar Dak Lak glăk gơgrong pok pơhai hơdôm hơdră pơgang, laih dong kơtưn pơtô pơblang, lăi pơthâo kiăng mơnuih ƀôn sang răng kơđiăng amăng bruă pơgang tơlơi ruă anai.