Anai jing boh thâo djru breh mơta kiăng lăng rơđah mă yua AI glăk hơmâo ba yua djŏp anih ƀơi rŏng lŏn tơnah hăng ƀơi hơdôm boh plơi prong či Việt Nam; samơ̆ blung a hơmâo mă yua ƀơi Dap Kơdư. Măi mơ̆ Sang ia jrao Mơta Dap Kơdư mă yua lĕ VisuMax 800, breh mơta kiăng lăng rơđah, huăi kiăng truă mơnil dong tah, mă măi laser hmar hăng djơ̆ tơphă. Hăng mơnit mông breh tañ, huăi mut dlăm amăng mơta, mă yua măi anai jing rơnuk rơnua hloh, laih anun tañ grăng hloh.

Bruă mă yua VisuMax 800 jing tơlơi pơplih prong biă amăng bruă breh mơta ƀơi Dak Lăk, djru brơi mơnuih ƀôn sang Dap Kơdư dưi pơjrao mơta klă hloh ƀơi tơring čar mơtăm. Ơi ia jrao Trần Đình Tuấn, Khua sang ia jrao Mơta Dap Kơdư brơi thâo, măi anai djru pơjrao mơta lăng ataih bơbrui hăng lăng jê̆ bơbrui kơnong yŭ kơ 10 giây/ha gah mơta, anun lăp djơ̆ biă hăng ƀing hlăk ai, tơdăm dra./.