VOV4.Jarai-Tơlơi ruă djơ̆ hmơi lĕ tơlơi ruă ƀă hyu juăt ƀuh ƀơi ƀing čơđai, anai lĕ tơlơi ruă amuñ lar hyu kơtang. Tơlơi ruă anai ƀă hyu tui jơlan suă pran yua virus djơ̆ hmơi ngă. Hơdôm nam ruă juăt ƀuh mơng tơlơi ruă djơ̆ hmơi hŭi rơhyưt biă mă bơdjơ̆ nao tơlơi suaih pral kơ ƀing čơđai, yua anun, ƀing amĭ ama čơđai kiăng thâo bruă pơgang, tañ ƀuh hơdôm nam ruă bơdjơ̆ nao kiăng ba nao khăm hăng pơjrao brơi hmao tlôn.

VOV4.Jarai-Klin duăm đung drah hơđuh rai ƀơi Dak Nông hơmâo 100 bit anih ƀă klin, giăm 2000 čô mơnuih duăm hăng hơmâo sa čô mơnuih laih djai yua duăm đung drah. Gong gai kơnuk kơna, anom bruă djop gưl hlăk gir run gum pran jua pơhlôm, pơgang klin hŭi ƀă hyu prong.

VOV4.Jarai - Ƀơi tơring čar Dak Lak phrâo hmâo dong sa čô čơđai ruă bơbrah glô Japan. Anai lĕ pô tal 3 hmâo tơlơi ruă bơbrah glô Japan ƀơi tơring čar amăng thun anai.

VOV4.Jarai - Ƀơi tơring čar Kon Tum, duam pơđung drah glăk ngă kơtang tui. Gơnong bruă ia jrao ƀơi anai glăk pơtrut kơtang bruă pơgang, pơgăn bŏng glăi klin ruă amra gluh đĭ.

VOV4.Jarai-Tơlơi ruă djơ̆ kruă lĕ sa amăng hơdôm tơlơi ruă ƀơi klĭ kliang, huăi lar hyu ôh, anai lĕ yua pioh glăi mơng amĭ ama hăng tui hluai drơi jăn pơgang kman mơng rĭm čô mơnuih. Ră anai aka ƀuh hơmâo ia jrao pơjrao suaih mơtăm tơlơi ruă anai, bruă pơjrao kiăng kơ plai ƀiă kơtal hăng kiăng pơgang brơi klĭ kliang, kah hăng pơgang hŭi ba truh nam ruă kơtang mơng tơlơi ruă anai.

VOV4.Jarai-Hơdôm hrơi laih rơgao, tơring čar Dak Lak hơmâo čih pioh na nao hơmâo 4 čô čơđai duăm pơđeh ƀlĕ hmơi, pơđĭ tui mrô čơđai ƀlĕ pơđeh amăng drơi jăn truh 5 čô.

VOV4.Jarai – Tui tơlơi lăi pơthâo glăi mơ̆ng Anom wai lăng tơlơi duam ruă tơring čar Dak Lak, ƀơi tơring čar phrâo čih djă pioh hmâo sa anih klin djơ̆ hmơi ngă pơ̆ tơring glông Čư̆ Kuiñ. Ră anai Gơnong bruă ia jrao tơring čar hmâo pok pơhai laih hơdôm bruă pơgăn anih klin ngă, ƀu pioh tơlơi ruă lar tưp hyu ƀơi tơring čar.

VOV4.Jarai-Amăng bơyan pơdơi prong, tơlơi ruă bơbrah dlô Japan juăt ƀuh lu biă mă amăng đơ đam dêh čar, lu hloh lĕ ƀơi hơdôm tơring kual kual Kơdư. Anai lĕ tơlơi ruă lar hyu, juăt ƀuh lĕ yua keč akĕ. Yua anun, rĭm bơyan amăng ha thun tơdah ayuh hyiăng gêh gal brơi keč čeh čar amra ƀuh lu mơnuih ruă bơbrah dlô Japan. Hơdôm hrơi giăm anai, sang ia jrao pơjrao čơđai muai hơmâo tŭ mă lu čơđai ruă bơbrah dlô Japan nao pơjrao. Samơ̆, bruă đăo lăng hlâo, ĕp ƀuh hăng ba nao pơ sang ia jrao kaih ngă bruă pơjrao brơi ƀing čơđai bưp tơnap.

VOV4.Jarai-Tlam lơ 5/7, ƀơi sang gru grua čơđai muai hăng tơdăm ngek plơi prong Plei Ku, Khul khua mua pơphun jơlan ngă bruă ia mriah gơnong dlông ngă hrŏm Khul git gai bruă jak iâu pơyơr drah tơlơi khăp pap tơring čar Gia Lai jơnum pok pơhai hơdră Jơlan ngă bruă ia mriah tal IX hăng pơpŭ bơni kơ mơnuih pơyor drah ba gru hlâo thun 2024.

VOV4.Jarai – Duam pơđung drah ƀơi Dap Kơdư glăk ngă tơnap biă. Ƀơi Gia Lai, hmâo laih giăm truh 600 čô mơnuih hmâo tơlơi ruă anai mơ̆ng akô̆ thun truh kơ ră anai. Tơring čar Dak Lak ăt hmâo čih mơn rơbêh kơ 400 čô mơnuih duam pơđung drah, ƀơi 15/15 bôh tơring glông, plơi prong. Kiăng wai lăng klin ruă, gơnong bruă ia jrao hơdôm bôh tơring čar Dap Kơdư hmâo kơtưn hơdôm bruă pơgang, pơgăn klin ruă lar hyu prong.