VOV.Jarai - Rơwang hrơi tơjuh rơgao, tơring čar Gia Lai čih pioh 2 čô čơđai djai djơ̆ tuai, jing mơ̆ng akŏ thun 2026 truh kơ ră anai hơmâo abih bang 5 čô.

VOV.Jarai-Ƀơi tơring čar Dak Lak phrâo čih pioh hơmâo mơnuih tal 2 djai yua duăm đung drah thun 2026.

VOV.Jarai - Tlam kơnôl 8/9, ƀơi Sang bruă Kơnuk kơna, Khua dêh čar ơi Lê Minh Hưng git gai mông ngă bruă hăng Ding jum ia jrao wơ̆t hăng ƀing khua, anom bruă bơdjơ̆ nao kơ Tơlơi phiăn čih pơkra, pơhrua tui hơdôm črăn mơ̆ng Tơlơi phiăn Khăm, pơjrao tơlơi ruă, Tơlơi phiăn Ia jrao hăng Tơlơi phiăn Hơdjă mơnong ƀong huă.

VOV.Jarai - Khul apăn bruă phun Ping gah tơring čar Gia Lai tŭ ư laih bruă pok pơhai lu hơdră djru phara tui hăng Tơlơi pơtrun mtô 72 mơ̆ng Ding jum kơđi čar, pơgang, lăng ba, hăng pơđĭ tui tơlơi suaih pral kơ mơnuih ƀôn sang. Amăng anun lăp đing nao lĕ bruă tuh pơ alin giăm 300 klai prăk kơ ia jrao pơ guai dêh čar, anih tơnap kơtang, bruă pơkă brơi tơlơi suaih pral tui tơđar huăi mă prăk, hơmâo ngă ƀơi 12 boh să gah guai, bul pơtâo ia rơsĭ; laih anun bruă pơkiăo nao ƀing ơi ia jrao mơ̆ng sang ia jrao prong glăi djru kơ hơdôm boh să.

VOV.Jarai - Mut amăng bơyan hơjan, kman duam đung drah Dengue ƀơi Dak Lăk hơđuh jai kơtang. Yap mơ̆ng akŏ trun ră kơ ră anai, tơring čar čih pioh hơmâo rơbêh 4.200 čô mơnuih duam đung drah, amăng anun hơmâo sa čô djai. Lăp đing nao, čơđai ruă ƀu ƀiă ôh, nao đih pơjrao lu mơn. Sit biă ñu, lu mơnuih nao pơ sang ia jrao lơ̆m ruă kơtang, hŭi rơhyưt laih, yua hlong pơjrao mă pơ sang. Tơlơi anai yơh ngă nam ruă kơtang tui, tap năng ba truh tơlơi djai brŭ.

VOV.Jarai - Ruă djơ̆ tuai glăk tơnap pơgang biă ƀơi Lâm Đồng, mơ̆ng akŏ thun truh ră anai hơmâo laih 1 čô mơnuih djai, phrâo anai dong, sa drơi asâo arăng đing djơ̆ tuai yơh, kĕ 5 čô ƀơi să Hàm Thuận Bắc.

VOV.Jarai - Bruă čơđai ƀu gưt pơhiăp bit, ngui hơjăn bơdjơ̆ nao akŏ dlô, bơdjơ̆ nao bruă pơhiăp bit tom gơyut gơyâo, mơnuih mơnam hăng bruă ngă mơng ƀing gơñu. Ră anai arăng aka ƀu thâo tong ten tơlơi ba truh kơ tơlơi ruă anai samơ̆ anŏ pơglăi mơ̆ ñu ba glăi hăng bruă pơđi kyar, hơdip mut hrŏm mơnuih mơnam mơng ƀing čơđai ƀuh tong ten biă. Sit biă ñu, lu amĭ ama aka ƀuh thâo rơđah kơ bruă anai, ba čơđai nao khăm kaih đơi ngă tơnap tap amăng bruă pơjrao brơi.

  VOV.Jarai-Dŏ 3 hrơi đôč truh yơh, mông Jơnum prong ngui ngor bruă sầu riêng tơring čar Dak Lak thun 2026, amra pơphun ƀơi lu să, tơring amăng tơring čar. Kiăng pơhlom brơi hơđong, hơdjă rơgoh mơnong ƀong huă amăng mông jơnum ngui anai, anom bruă ia jrao tơring čar Dak Lak hlăk pơtrun hiăp ječ ameč kiăng ngă tui djop hơdră, prăp lui hlâo hăng pơsir hmao kru tơlơi truh či hơmâo mơnong ƀong huă ƀu rơgoh hơdjă.

VOV.Jarai - Mơ̆ng akŏ thun 2026 truh kơ ră anai, Dak Lăk čih pioh hơmâo giăm 2.500 čô mơnuih duam đung drah ƀơi 102 boh să, phường, đĭ năng ai 10% pơhmu hăng tơđar thun hlâo. Lơ̆m anun mrô mơnuih ruă jai hrơi lu, lu mơnuih ăt ƀu răng kơđiăng, mơai ta pô, anun yơh lơ̆m nao pơ sang ia jrao lĕ ruă kơtang yơh. Hrŏm hăng tơnap yua ƀu hơmâo mơnuih mă bruă, măi mok ia jrao, wơ̆t hăng prăk pơgang klin amăng ƀon lan, anun jing ngă klin amuñ hơđuh kơtang hloh.

VOV.Jarai - Ngă tui Tơlơi pơtrun mrô 72 mơ̆ng Ding jum Kơđi čar “Kơ hơdôm bruă pơplih prong, pơgang ba, wai lăng hăng pơđĭ tui tơlơi suaih pral kơ mơnuih ƀôn sang”, tơring čar Dak Lăk brơi nao 400 klai prăk kah pơpha kơ hơdôm boh tơring ngă bruă pơkă lăng tơlơi suaih pral kơ abih bang mơnuih thun 2026.