VOV.Jarai - Tơlơi ruă arăt hơtai boh jing nam phun ngă djai brŭ kơtang hloh ƀơi ƀing tha. Tơlơi ruă anai ñu ƀu ƀuh hlao mơtăm ôh, ruă mơ̆ng rơnang, ƀu thâo krăn ôh, samơ̆ sit ñu ruă lĕ ñu ruă, ngă djai mơtăm, ƀudah ba truh tơlơi ruă kơtang pơkŏn, ƀu thâo añrăng tui hơđăp dong tah, kah hăng nur arăt hơtai boh, tơdu arăt hơtai boh, hơtai boh pơpư̆ kơtang laih dong hơtai boh ƀu pơpư̆ dong tah.

VOV.Jarai-Mơguah lơ 7/4, Jơnum min mơnuih ƀôn sang tơring čar Dak Lak jơnum prong biă mă ngă tui hrơi hơdor glăi bruă pơgang suaih pral kơ mơnuih ƀôn sang thun 2026 hăng akŏ ñu “Prăp lui hlâo pơgang duăm ruă-Yua kơ sa boh Việt Nam găng añrăng”.

VOV.Jarai - Ƀơi anăp klin ruă kơčung amăng bah, tơkai tơngan kơtang ƀơi tơring čar, Gơnong bruă ia jrao Lâm Đồng phrâo mơit hră ječ kơ Gơnong bruă pơtô hăng pơjuăt, Jơnum min mơnuih ƀôn sang 124 boh să, phường, kual phara hơjăn hrŏm hăng hơdôm anom apăn bruă kiăng pơhlom pơgang klin kơčung amăng bah, tơkai tơngan kơtang hloh amăng sang hră.

VOV.Jarai-Ƀơi tơring čar Dak Lak phrâo ƀuh mrô mơnuih ruă ƀam ƀong tơkai, tơkai hăng mơbah ƀơi ƀing čơđai glăk đĭ kơtang.

VOV.Jarai-Ƀơi Việt Nam, ră anai ruă lao ăt lĕ sa amăng hơdôm tơlơi ruă lar hyu hŭi rơhyưt biă, bơdjơ̆ sat nao tơlơi suaih pral, tơlơi hơdip kơ mơnuih ruă. Ră anai, tơlơi ruă lao dưi pơjrao suaih laih samơ̆ tui sit nik brơi ƀuh hơmâo lu mơnuih ruă lok glăi yua ƀu ngă tui hơdră pơjrao tui tơlơi črâo ba mơng ơi ia jrao. Ruă lao ruă lok glăi ƀu djơ̆ kơnong ngă bruă pơjrao jai tơnap tap, rơngiă hrơi mông hăng prăk kak đôč ôh mơ̆ ăt amra ngă lar hyu amăng mơnuih mơnam dong.

VOV.Jarai - Ră anai, adai bơyan phang djrưh, pơplih phara - anun jing amuñ hơmâo tơlơi ruă ƀă hyu, pơƀă hyu tañ biă amăng plơi pla, amăng anun hơmâo tơlơi ruă bơbrah yơi yŭ amăng tơngia (quai bị). Anai jing tơlơi ruă juăt ƀuh, ƀă tui jơlan suă jua, amuñ hơđuh jing klin ƀơi sang hră, anih rông čơđai ƀudah amăng plơi pla hơmâo lu mơnuih. Yua hnun, bruă kơđiăng pơgang hlâo tơlơi suaih pral jing yom biă mă, tơdah ƀu hơmâo krăp lăng hăng pơjrao brơi djơ̆, amra ba truh tơlơi hŭi rơhyưt biă mă, ngă kơ ƀing čơđai ƀu-ai na nao.

VOV.Jarai - Sang ia jrao Mơta Dap Kơdư, tơring čar Dak Lăk, ba yua măi VisuMax 800 amăng bruă pơjrao tơlơi ruă alăk mơta.

VOV.Jarai - Rơbuh bơkơhñăk yua kơđông ƀudah pơčah arăt drah dlô (đột quỵ) jing sa amăng hơdôm tơlơi ruă hŭi rơhyưt biă mă, hơmâo lu mơnuih djai; lu mơnuih tơdah hơdip hai ăt pioh glăi tơlơi ruă kơtang biă, kah hăng rơwen, jô găng, hiăp găng, đa ƀu thâo hiăp dong tah...Ia jrao rơnuk anai pơplih laih amăng bruă bơhơdip hăng ngă suaih pral kơ ƀing rơbuh yua pơčah arăt dlô, samơ̆ kiăng dưi ngă lĕ ta khŏm tañ ƀuh hăng pơjrao brơi tañ mơ̆ng blung mơtăm. Yua anun, bruă tañ nao pơ sang ia jrao hăng pơjrao tơlơi ruă pơčah arăt dlô yom biă mă hăng tơlơi hơdip mơnuih ruă.

VOV.Jarai - Rim thun rŏng lŏn tơnah hơmâo năng ai 15 klăk čô nge tơkeng rai kơƀah blan. Ƀơi Việt Nam, ană nge tơkeng rai kơƀah blan năng ai 10% amăng mrô ană nge hơmâo tơkeng rai laih anun jai hrơi lu tui. Bruă tơkeng kơƀah blan ngă čơđai amuñ hơmâo lu tơlơi ruă kah hăng suă pran tơdu, hơmâo kman ngă ia rơnah, kaih prong hăng ƀu thâo pho đơi ôh. Yua hnun, djru ƀing ană nge tơkeng kơƀah blan prong, hiam drơi jăn jing tơlơi lông lăng prong biă mơ̆ng anom bruă Ia jrao.

VOV.Jarai-Tơlơi ruă mriah lăk mơta lĕ sa amăng hơdôm tơlơi ruă juăt ƀuh hloh ƀơi mơta. Tơlơi ruă anai juăt ƀuh lu lơm bơyan tơkuh nao rai, ayuh hyiăng glăk pơplih. Ƀơi ƀing čơđai, sit biă ñu lĕ ƀing čơđai anet juăt ƀuă tơlơi ruă anai yua ƀing čơđai juăt ngui hrŏm, yua gơnam ngui hrŏm. Anai lĕ tơlơi ruă amuñ pơjrao samơ̆ tơdah tơlơi ruă anai ƀu pơjrao brơi djơ̆ amra ngă sat ƀơi lăk mơta kơ ƀing čơđai tơdơi anai.