VOV.Jarai - Truh ră anai, đơ đam tơring čar Dak Lak čih hmâo rơbêh kơ 2.600 čô mơnuih duam pơđung drah, hơnong ñu rim hrơi hmâo 30 truh 100 čô mơnuih hmâo tơlơi ruă anai.

VOV.Jarai-Lơ 5/8, ƀơi Dak Lak, Keh prăk djru čơđai muai Việt Nam jơnum jơlan hơdră anăn “Sang bruă prăk D3K2 kơ čơđai muai”.

VOV.Jarai - Rơbêh kơ 500 grôp rơkơi bơnai plao ƀơi Dap Kơdư hơk mơ-ak lơm čơkă ƀing ană bă suaih pral mơ̆ng “Jơlan hơdră djru pơjing ană amăng đing (IVF)” ngă tui ƀơi tơring čar Dak Lak. Truh ră anai, ƀrô krep 3 thun jơlan hơdră pơphun, hơdôm grôp rơkơi bơnai hăng ƀing ană nge dưi tơkeng rai kơnang kơ jơlan hơdră anai, hmâo pơbưp hrŏm ƀơi Buôn Ma Thuột.

VOV.Jarai - Rơbêh kơ sa blan jê̆ hăng anai; ƀơi tơring čar Dak Lak, mrô mơnuih duam pơđung drah đĭ lu, lu hloh rơbêh kơ 1,8 wot bơhmu hăng thun hlâo. Biă ñu mơ̆ng akô̆ blan 6 truh ră anai, lu biă ñu čih hmâo lĕ mơ̆ng 20-25 čô mơnuih ruă, phrâo hmâo sa čô mơnuih djai. Gơnong bruă ia jrao lăi pơhuĭ thun anai tơlơi ruă amra gluh đĭ jing klin prong.

VOV4.Jarai-Ră anai, tơlơi ruă kơčung plă tơkai tơngan hăng ƀek ƀơi čơđai muai hlăk lar lu plơi pla amăng tơring čar Dak Lak. Anai lĕ, tơlơi ruă ƀă hyu juăt ƀuh lu amăng čơđai muai anet, biă mă ñu arăng pơjrao amăng sang anŏ đôč tơdah ƀu dưi pơjrao djơ̆ hơdră, amra ba truh tơlơi ruă hŭi rơhyưt kah hăng bơbrah hruh dlô, asar hơtai boh, bơbrah kơsô̆, truh djai mơ̆n. Yua kơ anun, khul amĭ ama hơmâo ană bă anet khom kơđiăng sit ƀuh tơlơi bơkơnăl kiăng ba čơđai muai nao pơ sang ia jrao pơjrao hmao kru, đah mơ̆ng bĕ hĭ tơlơi či sat truh kơñ hơƀlơ̆k glăi ƀu hmao ôh.

VOV4.Jarai - Tơlơi truh rơka rơkač amra ba glăi tơlơi sat răm prong biă, bơbeč kơtang kơ tơlơi suaih pral, tơlơi hơdip mơda mơ̆ng mơnuih ruă, tap năng amra ngă rơngiă prăk kăk, ngă tơnap kơ mơnuih tơpuôl. Anom bruă ia jrao Dak Lăk phrâo pơphun anih pơtŏp bruă kơ giăm 50 čô khua kiăng pơđĭ tui tơlơi rơgơi pơjrao ječ blung a amăng bruă pơhlôm pơgang tơlơi truh rơka rơkač.

VOV4.Jarai - Hơdôm hrơi rơgao, ƀơi hơdôm bôh sang ia jrao pơjrao tơlơi ruă čơđai muai ƀơi ƀôn prong Hồ Chí Minh čih pioh lu mơnuih duam pơđung drah Dengue kơtang. Čơđai ba nao pơ̆ sang ia jrao lơm kơ-añăk, prung amăng drah, ƀlĕ drah amăng kian pruai, amra ba truh kơ djai tơdah ƀu dưi pơjrao ječ hmao tlôn.

VOV4.Jarai-Gơnam ƀong pơ sang hră ƀu djơ̆ kơnong lĕ ha bơnah amăng hơdôm bruă bơwih brơi mơng sang hră đôč ôh ăt lĕ anŏ bơdjơ̆ nao tơlơi suaih pral, akŏ dlô, drơi jăn kơ ƀing čơđai. Yua anun yơh, hrŏm hăng bruă pơtô hrăm, bruă pơhlôm brơi gơnam ƀong jơman brơi kơ ƀing čơđai lĕ bruă jao yôm phăn biă mă, sit biă ñu lĕ ƀơi hơdôm boh sang hră čơđai dŏ ƀong huă glăi rĭm hrơi. Kiăo tui anai lĕ tơlơi čih mơng ƀing mă tơlơi pơhing kơ hơbô̆ bruă gơnam ƀong pơ sang hră ƀơi sang hră čơđai muai phường Thành Nhất, plơi prong Buôn Ma Thuột, tơring čar Dak Lak.

VOV4.Jarai-Ƀơi anăp kơ bruă hơđuh đĭ klin Covid-19, gơnong bruă ia jrao hơdôm boh tơring čar kual Dap kơdư glăk khut khăt pok pơhai hơdôm hơdră bruă kiăng pơgang klin Covid-19, amăng hrơi blan hơmâo lu mơnuih kiăng nao rai, hyu čuă ngui amăng bơyan pơdơi prong thun anai.

VOV4.Jarai - Lơ 3/6, Sang ia jrao prong kual Dap Kơdư hăng Sang bruă bơwih ƀong mơnuih ƀôn sang Gene Solutions Lab kĭ pơkôl hră pơ-ar djă pioh pok pơhai jơlan hơdră “Pơplih phrâo bruă pơčrang lăng NIPT kơ bơnai pikian, pơđĭ dlông anô̆ kơjăp mrô mơnuih Việt”.