Dong mơng lơ 2/6, djop să, phương, kual bul pơtâo ngă ha amăng plĕ bruă khăm tui tơđar, khăm brơi soh sel kơ ƀing čơđai pơyŭ 6 thun; pơtrut tañ bruă pơtô pơblang, pơtrut pơsur mơnuih ƀôn sang mut hrŏm hăng pơmut djop tơlơi pơhing tui pơkă. Hơdôm boh sang hră ăt gum hrŏm hăng sang ia jrao, anih anom ia jrao pơphun khăm brơi ƀing čơđai, pơgôp ngă tui hơnong pơkă hơmâo jao.

Kiăng pơhlôm djơ̆ hrơi mông, tơring čar Lâm Đồng hơmâo pơhrua 200 klai prăk ngă tui jơlan hơdră khăm brơi soh sel brơi rơbêh 3,24 klăk čô mơnuih  ƀôn sang amăng thun 2026. Amăng anun, hơnong pơkă truh abih blan 6 khăm brơi giăm 1,26 klăk čô mơnuih; mrô dŏ glăi amra pơgiong hlâo lơ 31/12/2026.