Jơlan hơdră ƀu djơ̆ kơnong djru bơwih brơi tơlơi suaih pral kơ mơnuih ƀôn sang kual tơnap tap đôč ôh mơ̆ ăt kơtưn pran gum pơgôp ling tơhan-mơnuih ƀôn sang, ngă lar hyu rup rap tơhan wai pơgang guai giăm mơnuih ƀôn sang ƀơi kual giăm guai. Thượng úy, ơi ia jrao Lê Quang Tùng, pô djru bruă khăm pơjrao, anom bruă djru tui tlôn-boh thâo măi mok, Ling tơhan wai pơgang guai tơring čar Gia Lai brơi thâo, amăng tal anai, grup hyu mă bruă hơmâo nao khăm, črâo brơi hăng ƀơk jrao brơi giăm 500 čô mơnuih.

Rơngiao kơ bruă bơwih brơi tơlơi suaih pral, ƀing apăn bruă, ling tơhan wai pơgang guai Ia Pnôn ăt pơlir hăng bruă pơtô pơblang, pơtrut pơsur mơnuih ƀôn sang ngă tui tơlơi črâo trun mơng Ping gah, hơdră bruă, tơlơi phiăn mơng Kơnuk kơna; răng kơđiăng ƀơi anăp tơlơi sat răm, mut hrŏm wai pơgang guai, gong guai, pơhlôm hơđong ƀơi kual giăm guai.