Hăng anăn ñu “Việt Nam – Nao kiăng khăp”, hơdôm tơlơi ngă pơhưč kơ nua bruă bơwih brơi kơ tuai, prăk hyu čuă lăng ƀơi hơdôm kual, anih anom tuai čuă ngui, gru grua djă pioh – bôh thâo đưm amra dưi mă yua. Hơdôm bôh anom bơwih ƀong ăt pơplih pơkra mơn nua hrŏ trun dô̆ 50% kơ hơdôm bruă dŭ pơgiăng, anih dô̆ glăi, ƀong mơñum, bơwih brơi tơlơi suaih pral...

Rơngiao kơ anun, tơring čar đing nao pơlir hơbit anih anom gơnam tam, pơjing anung prăk čuă ngui ngă pơhưč, pơtrut pơsur pơđĭ kyar gơnam djă hơdor pioh djă jă gru grua plơi pla, biă ñu hơdôm gơnam OCOP. Ơi Trần Thanh Hoài, Kơ-iăng Khua Gơnong bruă bôh thâo – bơkơjăp drơi jăn hăng tuai čuă ngui Lâm Đồng brơi thâo, tơbiă rai mơ̆ng mơnuih ƀôn sang Lâm Đồng amra jing “pô pơ ala kơ anih anom tuai čuă ngui”, gir run ba truh lăp djơ̆ pran kơ tuai čuă ngui, djru pơjing pran kơtang kơ tuai čuă ngui amăng hơdôm hrơi đơ đam dêh čar pơphun yak mut rơnuk phrâo pơđĭ kyar phrâo./.