Klah čun mông jơnum, Khua git gai Ping gah dêh čar ơi Tô Lâm pơsit yôm tơlơi prăp lui tŏng ten mơ̆ng ƀirô mă bruă hăng gum pơhiăp leng kơ phun ñu tŭ ư hrŏm hăng hră čih pơkra jơlan hơdră bruă mă mơ̆ng Grŭp črâo ba hăng hơdôm jơlan gah, tơhnal pơkă rơđah mơ̆ng ră anai truh kơ rơnuč thun; pơtă amra pơhrua nao hơdôm bruă jao phrâo hmâo amăng bôh nik ñu.

Khua git gai Ping gah Ping gah dêh čar lăi rơđah 5 tơlơi pơmin črâo ba amăng bruă pok pơhai, kiăng đing nao amăng hơdôm tơlơi prong yôm phăn, đing nao pơsir hơdôm tơlơi lăi nao tañ, hrưn đĭ abih thun anai phun ñu pơtlaih hơdôm tơlơi ngă gun gah hơdră pơkă hăng tơlơi phiăn, mơ̆ng anun iâo pơhrui hmâo djop ngăn rơnoh lơm pơđĭ kyar lŏn ia. Khua git gai Ping gah dêh čar ơi Tô Lâm rơkâo, ngă giong dong glông bruă hră pơ-ar pơkă tơlơi phiăn, tañ pel ĕp glăi mă yua hơdôm Tơlơi pơtrun pơkă, Tơlơi lăi pơhing hmâo bơdjơ̆ nao pioh pok pơhai ngă tui, biă ñu khom ngă tui khut khăt bruă pơpha gưl, pơpha bruă apăn, pơpha tơlơi dưi hăng pok pơhai tui djơ̆ pran jua črâo ba mơ̆ng Ding jum kơđi čar./.