Klah čun mông mă bruă, Khua mir sir dêh čar ta ơi Lương Cường čih djă pioh, pơsit yôm pran jua gơgrong, tơlơi gơgrong hlâo, pơčeh phrâo mơ̆ng Ping gah tơring čar Quảng Ninh amăng pơphun kơsem min, lăi pơthâo abih, pơplih phrâo rơđah, pok pơhai ngă tui Tơlơi pơtrun pơsit Ping gah dêh čar 11, pơjing pran djơ̆ hrŏm, pơlir hơbit prong amăng khul mơnuih apăn bruă, mơnuih ping gah hăng hơdôm gưl mơnuih ƀôn sang.

Hrŏm hăng anun hơdôm tơhnal pơkă pơđĭ kyar bơwih ƀong, mơnuih mơnam djă pioh ƀơi rơnoh dlông, tơlơi rơnuk rơnua kơđi čar, hơđong pơhlôm mơnuih mơnam dưi pơhlôm hơđong. Khua mir sir dêh čar đăo kơnang, hăng pran jua pơplih phrâo, pơčeh phrâo, pran jua gơgrong hăng pran pơsit kơđi čar prong, Ping gah, Gong gai, tơhan hăng mơnuih ƀôn sang tơring čar Quảng Ninh amra ngă tui dong hơdôm bôh than prong hmâo laih, ngă tui truh kih prong Tơlơi pơtrun pơsit Jơnum Ping gah dêh čar 11 tal 13, čih pơkra hră pơ-ar hăng mơnuih mă bruă kơ Jơnum Ping gah tơring čar sit nik ƀuh rơđah, kơjăp, djru yôm phăn amăng truh kih mơ̆ng Jơnum Ping gah đơ đam dêh čar tal 14./.