Khua git gai Ping gah dêh čar lăng yôm pran jua mă bruă khut khăt, abih pran mơng ƀing khua mua hăng pơpŭ bơni hơdôm boh than blung a amăng bruă ngă tui pơplih mrô amăng hrơi blan rơgao; lăi pơtong anai lĕ tơlơi pơglăi mơng pran jua hur har ngă bruă mơng djop anih anom kơđi čar, mơnuih ƀôn sang hăng anom bơwih ƀong sĭ mơdrô.

Pơ anăp anai, Khua git gai Ping gah rơkâo đing nao pok pơhai 8 bruă jao akŏ phun, kiăng gơgrong mơng ƀing apăn akŏ, glăm ba, gir run kơtang hloh hăng mă yua boh thâo phrâo, hră pơ-ar djă pioh kiăng wai lăng klăk, sit biă ñu amăng hrơi blan pok pơhai gong gai dua gưl. Laih dong, Khua git gai Ping gah rơkâo anom pơtô bruă Ping gah, pơtô ba mơnuih ƀôn sang gơnong glông pơtrut pôr pơhing kơ bruă pơplih pơčeh phrâo, sit biă ñu lĕ bruă găn rơgao tơnap tap kiăng hơkrŭ pran đăo gơnang mơnuih mơnam hăng anom bơwih ƀong sĭ mơdrô amăng bruă yua boh thâo phrâo.