Ƀơi hơdôm anom bruă ngă hră pơ-ar gưl să, hơdôm grup hlăk ai djru bruă črâo ba mơnuih ƀôn sang mă yua plang pơƀuh anăn điện tử, pơmut anăn apăn mơnuih ƀôn sang điện tử…laih dong, črâo ba, pơblang brơi hăng lăi pơthâo hơdôm tơlơi kiăng hloh kơ bruă ngă hră pơ-ar, tơlơi bơwih bơwang mơng ataih. Pơphun ngă bruă dong mơng lơ 1/7 truh ră anai, ƀing hlăk ai amăng tơring čar Lâm Đồng hơmâo djru brơi hơdôm hơpluh rơbâo čô mơnuih ƀôn sang tŭ mă hơdôm boh thâo kiăng dưi mă yua hơdôm plang ngă hră pơ-ar.

Anai lĕ bruă mă yôm phăn sit nik, pơgôp pơtrut bruă mă ƀơi hơdôm anom bruă ngă hră pơ-ar dưi ngă bruă gêh gal, hrŏ ƀiă hrơi mông tŭ mă hăng ngă brơi hră pơ-ar, sit biă ñu lĕ hơdôm kual ataih, asuek, kual mơnuih djuai ania ƀiă, anih aka ƀu thâo yua boh thâo phrâo.