Lơ 28/8, ƀơi Ƀirô mă bruă Ping gah dêh čar ta, Grŭp hyu mă bruă mrô 2 mơ̆ng Ding jum kơđi čar yua kơ Khua dêh čar ơi Phạm Minh Chính git gai mă bruă hăng Grŭp apăn bruă Ping gah ƀôn prong Hải Phòng hăng Ping gah tơring čar Quảng Ngãi, pơhiăp kơ hră čih pơkra hră jơnum hăng akô̆ bruă mơnuih mă bruă gưl ping gah lăi pơthâo kơ mông Jơnum Ping gah rơwang 2025-2030.

Klah čun, Khua dêh čar ơi Phạm Minh Chính phun ñu tŭ ư hăng hră čih pơkra hră jơnum lăi pơthâo amăng mông Jơnum Ping gah ƀôn prong Hải Phòng hăng Quảng Ngãi amăng rơwang bruă pơ̆ anăp, hrŏm hăng anun črâo rơđah bruă akă dưi ngă, bôh than ba truh hăng hrăm tui tơlơi găn rơgao. Jơlan gah, tơhnal pơkă, rơwang bruă 2025-2030 hmâo pơdah pran pơsit kơđi čar, tơhnal lăng pơđĭ kyar hăng pơplih phrâo jơlan gah prong mơ̆ng Ping gah. Khua dêh čar rơkâo gưl ping gah 2 anih anom tŭ mă tơlơi gum pơhiăp, ngă giong hră jơnum, jơlan hơdră bruă mă rơđah bôh than, bruă jao, ngăn rơnoh, bruă gơgrong, dưi pok pơhai tơdơi kơ Jơnum giong./.