Jơnum bơkơtuai anai pơtum lu mơnuih rơgơi kơhnâo, ƀing kơsem min, khua mua sang bruă kơsem min ia rơgơi, sang hră gưl prong amăng dêh čar.

Lu tơlơi čih ba pơdah lăi nao klâo mơta khul bruă phun: Boh tŭ yua yom mơng gru phun dêh čar hăng tơlơi hrăm mơ̆ng Tal Hơkrŭ blan čơpăn thun 1945; Huế amăng tal Hơkrŭ blan čơpăn; tơlơi gơgrong mơ̆ng lu khul ling tơhan, anom bruă ƀơi Huế. Lu tơlơi čih ba pơdah hơmâo pơčrong hrŏm lăi nao: “Hơkrŭ blan čơpăn hăng tơlơi kiăng đĭ nao čơkă mơak hing ang kơ djuai ania Việt Nam”, “Boh tŭ yua sit nik mơ̆ng anŏ pơblih hơdră tơgŭ blah ayăt laih anun tơlơi kơtang gum hrŏm mơ̆ng abih bang mơnuih ƀôn sang”, “Tơlơi pôr pơthâo rơngai lŏn ia-sa tơlơi pơsit tơlơi dưi mơ-ai, rơngai pô mơ̆ng djuai ania”...hơmâo pok pơthâo rơđah bơnah lăng nao phrâo, djru ngă pơrơđah hĭ rơnoh yom gru phun đưm hăng rơnuk ngă Hơkrŭ blan čơpăn.