Tơdơi kơ ha wŏt hrơi tơjuh pok pơhai hơbô̆ bruă gong gai ƀon lan dua gưl ƀơi hơdôm boh să, phường, tơring čar Gia Lai hơmâo hơdôm tơlơi dưi phrâo. Tơlơi tŭ ư mơng mơng ƀôn sang hơmâo pơdah tong ten lơm bruă djru bruă klă tui mơng hơdôm anih anom ngă hră pơ-ar kơnuk kơna. Tui yă Nguyễn Thị Minh Nguyệt-Kơ-iăng Khua Jơnum min mơnuih ƀôn sang phường, Khua anom bruă ngă hră pơ-ar phường Quy Nhơn, bruă čơkă hăng ngă brơi hră pơ-ar amăng rơwang hrơi tơjuh blung a hơmâo pok pơhai hruaih, huăi ƀuh ngă gun ƀudah kaih.

Tơdơi kơ 1 wŏt hrơi tơjuh pok pơhai hơbô̆ bruă gong gai ƀon lan 2 gưl, đơ đam tơring čar Gia Lai hơmâo tŭ mă rơbêh 11.500 pok hră pơ-ar, amăng anun rơbêh 6.000 pok hră pơ-ar gưl să. Rơbêh 4.500 pok hră pơ-ar âni hơmâo pơsir hĭ. Hơbô̆ bruă gong gai dua gưl blung hlâo brơi ƀuh boh tŭ yua tong ten amăng pơplih ngă hră pơ-ar, pơgôp pơjing gong gai gum djru brơi mơnuih ƀôn sang.