Amăng mông bơkơtuai, dua čô khua hơmâo pơlăi nao rai bruă mă mơng rĭm Ping gah, rĭm kơnuk kơna; pơčrông sai kơ bruă amăng kual hăng jar kmar, tơlơi rô nao rai dua Ping gah, dua kơnuk kơna hăng sa, dua boh tơhnal dua bơnah đing nao, pel ĕp hăng lăng glăi boh than ngă hrŏm amăng hrơi blan rơgao hăng tŭ ư hơdôm jơlan gah akŏ phun kiăng ngă dơlăm ƀiă dong bruă ngă hrŏm dua Ping gah, dua Kơnuk kơna pơ anăp anai.

Dua čô khua tŭ ư tŏ tui kơtưn tơlơi rô nao rai amăng Ping gah, kơnuk kơna, hơkrŭ pran đăo gơnang kơđi čar, kơtưn pơbưp nao rai gưl khua mua pơprong hăng djop gưl, gơnong bruă, ƀon lan; tŏ tui hơdôm hơdră ngă hrŏm ră anai kah hăng hơdôm tơlơi pơkôl khua mua pơkŏn; tŏ tui pơlăi nao rai tơlơi pơhing hmao tlôn, pơlăi nao rai bruă amăng jar kmar, amăng kual, hơdôm bruă bơdjơ̆ nao tơlơi rô nao rai dua boh dêh čar, pơgôp ba tơlơi rô nao rai dua Ping gah, dua kơnuk kơna jai hrơi pơđĭ kyar sit nik amăng rơwang phrâo, djru ba glăi tơlơi dưi sit nik mơng mơnuih ƀôn sang dua bơnah.