Tơdơi kơ rơbêh ha wơ̆t hrơi tơjuh ngă bruă tui gong gai dua gưl, să Ia Dom hơmâo pơkra 120 hơdrôm hră pơ-ar. Khă hnun să ăt bưp tơnap tap mơn yua anih mă bruă aka ƀu pơhlôm hơmâo djŏp gơnam yua, măi mok, hăng tơlơi thâo rơgơi mă yua măi mok mơ̆ng ƀing mơnuih mă bruă pơ anai dŏ kơƀah mơn...Ơi Phạm Anh Tuấn - Khua Jơnum min mơnuih ƀôn sang tơring čar Gia Lai brơi thâo, pơ anăp, gong gai să amra hơmâo kah pơpha tơlơi dưi kơtang hloh, dưi pơsit lu bruă či đĭ kyar bơwih ƀong huă - mơnuih mơnam.

Gong gai să kiăng hơmâo jơlan ngă bruă, pơtô brơi ană plơi đĭ kyar ngă hmua pla djuai phun dưi pla hloh, kiăo tui tơlơi kiăng mơ̆ng anih sĭ mơdrô; jak iâu anom bơwih ƀong tuh pơ alin pơkra gơnam, djru ngă hmua pla pơjing. Tơring čar amra jao rơnoh đĭ kyar tong ten kơ să, jao KPI kơ Khua ping gah wơ̆t hăng Khua Jơnum min mơnuih ƀôn sang să, tơdah ƀu ngă giong amra glăm ba tơlơi anai./.