Lăi pơtong, anai lĕ jơnum blung a, kiăng ba tơbiă jơlan gah djop mơta, tŏ tui na nao amăng bruă pơphun ruah khua pơ anăp anai, Khua git gai pơ ala mơnuih ƀôn sang dêh čar ơi Trần Thanh Mẫn rơkâo, djop mơta bruă mơng Khul lêng kơ anăp nao bruă pơhlôm djop tơlơi pơkă ngă pô, tơlơi tơpă, rơđah rơđông, tong ten hăng djơ̆ tơlơi phăn amăng bruă ruah khua; prap lui djop mơnuih apăn bruă, gơnam tam, prăk kak hăng hơdră gum hrŏm tŭ yua kơplah wah hơdôm anom bruă bơdjơ̆ nao.

Khua git gai pơ ala mơnuih ƀôn sang dêh čar brơi thâo, bruă ruah khua mua pơphun đơ đam dêh čar, bruă mă prong biă mă, ƀiă hrơi, yua anun kiăng prap lui klă djop mơta, Khua git gai pơ ala mơnuih ƀôn sang dêh čar ơi Trần Thanh Mẫn tŭ ư hăng hơdôm tơlơi rơkâo mơng ƀing ding kơna amăng Khul plĕ hră ruah khua dêh čar kiăng kơtưn yua boh thâo phrâo amăng djop mơta bruă plĕ hră ruah khua; sit biă ñu mă yua VNeID; đing nao bruă pơplih mrô kiăng ngă bruă hruaih mơng gơnong glông truh pơ 34 boh tơring čar, ƀôn prong hăng 3321 anih anom gưl să.