Nao hrŏm hơmâo khua mua tơring čar Khánh Hòa hăng hơdôm anom bruă, sang mơdrô. ƀơi plơi Xuân Phong, phường Bắc Nha Trang, grup hơmâo brơi 350 anung gơnam, rim anung hơmâo 500 rơbâo prăk mơta, ao pơđao, bếp điện từ, măi pưh angin, nua ñu rơbêh 500 klăk prăk.

Rơngiao kơ anun, VOV Tây Nguyên pơtruh, iâu pơthưr hơdôm sang mơdrô prong ƀơi tơring čar Khánh Hòa hăng ƀôn prong Hồ Chí Minh djru ba thim 175 klăk prăk mơta hrŏm hăng ao pơđao, nua ñu truh 100 klăk kơ hơdôm boh sang anŏ ia dăo kơtang. Hlâo kơ anun, grup mơ̆ng VOV ăt pơphun lu wơ̆t laih nao brơi gơnam, djru ba mơnuih ƀôn sang pơ kual ia dăo ƀơi tơring čar Gia Lai.