Pơhiăp klah čun amăng mông jơnum, Kơ-iăng khua dêh čar yă Phạm Thị Thanh Trà pơtă pơtăn, kiăng gir run hloh hăng pran jua mă bruă kơtang khut khăt yua kiăng tơdah ƀu kơtưn ôh amra tơnap ngă giong bruă jao.

Pơdjơ̆ nao hră pơtrun kơ mơnuih apăn bruă, ruah mơnuih ngă khua, Kơ-iăng khua dêh čar rơkâo čih pơkra, jŭ yap glăi, tơhnal pơkă kiăng ngă atur djơ̆ tơlơi phiăn dưi djop, djru abih bang ding jum, anom bruă gơnong dlông hăng tơring čar amuñ ƀiă či ngă tui, pơsit bruă, ruah mơnuih ngă khua. Hăng hră pơtrun pơtong glăi, dăp bruă, hnơ̆ng mơnuih apăn bruă, ngă khua, Kơ-iăng khua dêh čar lăi, khom pơtong rơđah, tong ten biă mă ñu hơdră pioh pơkă anŏ pơtong glăi tong ten, tơlơi pơsit phun boh tŭ yua či ngă tui. Ding jum bruă čar kiăng pơphun mă tơlơi pơgôp hiăp lu mơnuih, amăng mông mă tơlơi pơgôp hiăp anun, Ding jum  ăt khom ngă pơgiong hĭ hră čih lui hlâo jăng jai.