Hră trun lăi rơđah hơdôm boh tơring bưp tơlơi răm rai kơtang kah hăng Hà Tĩnh, Quảng Trị, Thừa Thiên Huế, Đà Nẵng, Quảng Ngãi, Gia Lai, Dak Lăk, Khánh Hòa, Lâm Đồng,...khŏm čih pơkra hơdră ngă bruă tong ten, pơsit mrô sang kiăng man phrâo, mrô sang kiăng pơkra glăi, bruă man pơkra hăng jao rơđah pô gơgrong git gai, krăp lăng.

Lăi pơthâo khŏm mơit hră rim wơ̆t hrơi tơjuh hlâo kơ 3 mông tlam hrơi rơma, mơit tom hră pơ-ar čih glăi rơđah rơđông kơ hrơi mông, bruă man pơkra hiư̆m pă hăng mrô sang man giong đah mơ̆ng djru pơtum glăi, git gai jao bruă mơ̆ng hơdôm ding jum anom bruă. Ding jum man pơdong hơmâo jao prăp rơmet pơtâo čuah, ƀu dưi pioh lui gơnam či sĭ pơmă ôh; Ƀing hơduah ĕp kơđi Kơnuk kơna nao pel ĕp, sem lăng pơgăn hĭ tơlơi soh glăi, prai khưi khai kông ngăn.