Mut amăng rơwang bruă phrâo, Jơnum min djŏp djuai ania mơnuih mơnam Viẹet Nam tơring čar Gia Lai pok pơhai 6 jơlan hơdră yom phun: Pơplih phrâo pôr pơthâo, abih bang tŭ ư ha amăng plĕ; pơtrut mă yua boh thâo mrô hăng hmư̆ hing djŏp tơlơi hơmâo amăng mơnuih mơnam; pơđĭ tui anŏ klă bruă krăp lăng, lăi glăi; hơkrŭ kjăp hơdôm hơbô̆ bruă mơnuih ƀôn sang ngă pô; Ngă tŭ yua hơdôm bruă iâu pơthưr, bruă bơkơtưn hơđong kjăp. Pơhiăp git gai mông jơnum, Khua ping gah tơring čar Gia Lai Thái Đại Ngọc kiăng Jơnum min djŏp djuai ania mơnuih mơnam tơring čar amăng rơwang phrâo pơtrut tui tơlơi gơgrong phun akŏ pơdong khul gum pơgôp djuai ania.

Mông jơnum hơmâo pơčrông sai pơkiăo nao 134 čô ding kơna, Khul apăn bruă phun hơmâo 9 čô; ơi Nguyễn Ngọc Lương, Kơ-iăng khua ping gah tơring čar, Khua Jơnum min djŏp djuai ania mơnuih mơnam Việt Nam tơring čar rơwang thun 2024-2029, ăt hơmâo ruah đĭ ngă Khua Jơnum min djŏp djuai ania mơnuih mơnam Việt Nam tơring čar tal 1. Mông jơnum ăt pơčrông pơkiăo nao grup khua hơmâo 26 čô pơhmư̆ mông Jơnum ruah khua jơnum min djŏp djuai ania mơnuih mơnam Việt Nam rơwang thun 2026-2031.