Pơhiăp đĭ ƀơi mông jơnum, Khua git gai ping gah ơi Tô Lâm čih pioh, bơni tơlơi gir run, pran jua mă bruă nao hlâo hăng boh tơhnal dưi ngă mơ̆ng ping gah kông an dêh čar, Ding jum kông an amăng thun 2025. Git gai hơdôm bruă mă phun pơ anăp anai, Khua git gai ping gah ơi Tô Lâm pơtrun hiăp, tơhan kông an mơnuih ƀôn sang pơtum abih bang ngă bruă pơgang hơđong, tơlơi rơnuk rơnua kơ mông jơnum ruah khua ping gah dêh čar tal XIV pơ anăp laih anun  ruah khua pơ ala mơnuih ƀôn sang dêh čar tal XVI, ruah khua khul pơ ala mơnuih ƀôn sang djop gưl guang bruă thun 2026-2031.

Khua git gai ping gah ơi Tô Lâm lăi pơtong, kiăng ngă tui tŭ yua hloh djop hră pơtrun Jơnum ruah khua ping gah dêh čar tal XIV hăng djop jơlan hơdră pơtrun pơkŏn,yua ping gah man pơphô, khom kiăng ngă tui khut khăt hloh, tơlơi gir run prong, pơblih kơtang hloh mơ̆ng abih bang amăng ping gah, amăng mơnuih ƀôn sang, ling tơhan hăng pran jua ngă bruă abih bang khom pơmin lĕ, yua tơlơi pơđĭ kyar lŏn ia, yua anŏ mơak hlak kơ mơnuih ƀôn sang; amăng anun tơlơi gơgrong ba, tơlơi djru hrŏm mơ̆ng tơhan kông an mơnuih ƀôn sang yom biă mă.