Tơring čar Lâm Đồng ră anai hơmâo 7 grup hơnong pơkă bơwih ƀong huă-mơnuih mơnam dưi ngă hăng rơgao hơnong pơkă, amăng anun pơhrui ngăn drăp kơnuk kơna rơbêh 32.000 klai prăk, rơgao hơnong pơkă ba tơbiă. Kơ-iăng Khua dêh čar tŭ yap, lăng yôm tơlơi gir run mơng ƀon lan amăng bruă djru mă mơnuih, djru brơi mơnuih ƀôn sang kual ia ling dăo, laih dong rơkâo tơring čar tŏ tui hơdôm tơlơi gal, pơhlôm pơgiong hơdôm hơnong pơkă pơđĭ kyar.

Akŏ phun lĕ kjăp “jơlan yak nao” amăng sĭ mơdrô gơnam đang hmua, pơtrut tañ man pơkra hơdôm ring bruă phun, sit biă ñu hơdôm ară jơlan rơdêh đuăi hmar, kiăng pơtrut jao prăk tuh pơ alin man pơdong. Ƀrô tal anai, kơ-iăng Khua dêh čar nao ngă lơphet pok man pơdong sang phrâo brơi 4 boh sang anŏ hơmâo sang glưh abih ƀơi să D’ran hăng jao gơnam djru brơi hơdôm boh sang anŏ răm rai yua hơjan ia ling dăo.