Khua dêh čar lăi pơtong, bruă ngă tui tơlơi pơtrun Jơnum tal XIII rơkâo pơplih tañ kiăng ngă tui hơnong pơkă 100 thun hơmâo ba tơbiă. Khua dêh čar rơkâo Akŏ bruă anai kiăng sui pơ anăp, djop mơta, kiăng tŏ tui gru grua hơđăp rah, mut hrŏm anŏ hiam gru grua rŏng lŏn tơnah. Pơanăn brơi kiăng tui jơlan gah “tui jar kmar gru grua mơng djuai ania, tui djuai ania anŏ hiam mơng gru grua rŏng lŏn tơnah”.

Akŏ bruă anai kiăng ngă rơđah anŏ amăng lăng, anih ngă tui, ƀing mơnuih, hơnong pơkă, bruă jao hăng hơdră bruă tong ten. Khua dêh čar ăt pơtăn kơ bruă pơđĭ kyar gru grua, wai lăng rơgơi, jak iâu pơgôp ngăn rơnoh, thâo hluh rơđah mơng mơnuih mơnam, pơtô pơblang brơi dơlăm, djop anih hăng pơplih tơlơi hơdip mơnuih ƀôn sang. Gru grua kiăng jing tơlơi pơtrut, ngă atur kjăp brơi pơđĭ kyar lŏn ia amăng rơwang phrâo.