Pơhiăp ƀơi mông jơnum, Khua dêh čar ơi Phạm Minh Chính hơmâo lăi pơthâo hơdôm boh tơhnal ƀuh rơđah dưi ngă laih thun blan rơgao, biă mă ñu amăng bruă dăp glăi sang bruă kơđi čar, mơnuih apăn bruă amăng kơnuk kơna ră anai ƀơi tơring čar dŏ glăi 2 gưl; prăp lui jơnum ruah khua ping gah dêh čar tal 14; ngă tui Hră pơtrun yom pơkŏn mơ̆ng Ding jum kơđi čar; ngă tui jơlan hơdră pơgang ba tơlơi hơdip mơda mơnuih ƀôn sang kiăng hơđong kah hăng lui hĭ prăk apah hrăm hră, lŏm lui sang tơ̆i, sang phŏ kơ mơnuih ƀun rin.....

Khua dêh čar lăi pơtong, hơmâo lu boh tơhnal dưi ngă laih yua hơmâo tơlơi hơdai gum hrŏm djơ̆ hơdră, tŭ yua plah wah sang bruă khua pơ ala mơnuih ƀôn sang dêh čar hăng Kơnuk kơna dêh čar. Anom bruă ping gah mơ̆ng Sang bruă khua pơ ala mơnuih ƀôn sang dêh čar, Kơnuk kơna dêh čar gum pơgôp nao rai, tŭ ư hrŏm hơdai gum nao rai sa pran jua pơphun bruă ngă. Yua kơ anun yơh, hăng hơdôm bruă ngă pơprong jao ngă ăt hơmâo ngă giong hăng tŭ yua biă mă.