Khua dêh čar ta ơi Phạm Minh Chính lăi rơđah, pơđĭ kyar bơwih ƀôn mơnuih ƀôn sang lĕ bruă jao yôm phăn hloh mơ̆ng bruă bơwih ƀong lŏn ia. Khua dêh čar lăi rơđah, bruă jơnum anai pioh hmư̆ Grŭp IV lăi pơthâo tui akô̆ bruă ba tơbiă sa dua bruă jao, pơsir ngă tui Tơlơi pơtrun pơsit 68 truh kih; blung hlâo khom pơtlaih hơdôm anô̆ gun kơ tơlơi pơkă, hơdră pơsit, hơdră bruă gum djru, yua kơ hơdră pơkă jing phun pơtrut, laih anun jing pran pơtrut kơ pơđĭ kyar.

Khua dêh čar pơmin hơdôm tơlơi pơplih mơ̆ng hrơi Tơlơi pơtrun pơsit 68 dưi mă yua, pơjing tơlơi pơplih gah tơlơi pơmin, pran jua, pran pơtrut, ngăn rơnoh kơ pơđĭ kyar. Čang rơmang pơplih 5 klăk bôh sang anô̆ bơwih ƀong sĭ mơdrô jing anom bơwih ƀong, anom bơwih ƀong anet jing anom bơwih ƀong prong, anom bơwih ƀong prong jing anom bơwih ƀong prong hloh, anom bơwih ƀong prong hloh jing anom bơwih ƀong tui tơhnal pơkă đơ đam rŏng lŏn tơnah, lu bôh dêh čar, gum hrŏm pơlir hơbit hmâo nua yôm đơ đam rŏng lŏn tơnah. Hrŏm hăng anun pơtŏng sit, tơlơi yôm phăn hloh lĕ iâo pơhrui ngăn rơnoh mơ̆ng mơnuih ƀôn sang, anom bơwih ƀong yua kơ ngăn rơnoh pơphun mơ̆ng tơlơi pơmin hăng tơhnal lăng, pran pơtrut pơphun mơ̆ng tơlơi pơplih phrâo hăng pơčeh phrâo, pran kơtang pơphun mơ̆ng mơnuih ƀôn sang hăng anom bơwih ƀong./.