Anai lĕ anom mă bruă-anih bơwih ƀong-anih tuai čuă ngui phun amăng kual Ngŏ tơring čar Dak lak, Tuy Hòa ƀu djơ̆ kơnong djă ba tơlơi čang rơmang kơ sa plơi prong rơgơi ba gru đôč ôh mơ̆ ăt lĕ anih lông lăng pran mă bruă, wai lăng hăng pơlir hơbit lơm gong gai dua gưl tal blung a pok pơhai. Jơnum Ping gah phường rơwang thun 2025-2030 pơsit amra pơjing ƀon lan jing plơi prong tuai čuă ngui rơgơi ba gru, anih git gai wai lăng bruă bơwih ƀong-tơlơi bơwih bơwang-pơplih yua boh thâo phrâo gah Ngŏ tơring čar Dak Lak; pơhrui rĭm akŏ mơnuih 145 klăk prăk amăng thun 2030.

Jơnum ăt ba tơbiă 12 grup bruă jao hăng hơdră bruă akŏ phun. Đĭ pơhiăp git gai mông jơnum, yă Cao Thị Hòa An, kơ-iăng Khua git gai Ping gah tơring čar rơkâo phường Tuy Hòa kiăng ba jơlan hlâo wŏt ngă tui hơbô̆ bruă gong gai dua gưl laih dong pơđĭ kyar plơi prong rơgơi.