Tui jơlan hơdră him lăng, amăng jơnum tal anai, kơ bruă čih pơkra tơlơi phiăn, Jơnum min apăn Khua pơ ala mơnuih ƀôn sang dêh čar amra sem lăng, pơgôp hiăp kơ bruă lăi pơthâo, tŭ mă, pơplih pơkra: črăn tơlơi phiăn ngă bruă ječ; črăn tơlơi phiăn ba glăi ƀing ngă soh, tơlơi phiăn jao glăi ƀing mơnuih mă krư̆, tơlơi phiăn pơlir nao rai phiah phiăn kơđi dân sự, tơlơi phiăn pơlir nao rai kơđi hình sự; črăn tơlơi phiăn pơplih pơkra, pơhrua sa, dua črăn amăng tơlơi phiăn bruă krăo lăng mơng Ƀirô Khua pơ ala mơnuih ƀôn sang dêh čar hăng Jơnum min pơ ala mơnuih ƀôn sang.

Laih dong, Jơnum min apăn bruă Khua pơ ala mơnuih ƀôn sang dêh čar  amra pơgôp hiăp amăng črăn tơlơi phiăn mă krư̆ jang jai hăng kŏm ƀu brơi tơbiă mơng anih dŏ hơdip; črăn tơlơi phiăn kơđi hình sự (čih pơkra glăi); črăn tơlơi phăn kơđi dân sự (čih pơkra glăi); črăn tơlơi phiăn pơplih pơkra, pơhrua sa, dua črăn amăng tơlơi phiăn pơtô hrăm; črăn tơlơi phiăn pơtô pơjuă sang hră gưl prong (čih pơkra); črăn tơlơi phiăn pơtô bruă mă (čih pơkra); črăn tơlơi phiăn pơgang, pơgăn yua hŏt ma túy (čih pơkra); hơdră bruă phara amăng man pơdong tơdron rơdêh por jar kmar Gia Bình./.