Ƀơi mông jơnum, Khua mir sir ơi Lương Cường pơsit tơlơi rô nao rai ngă adơi ayong giăng mah Việt Nam hăng Angola jing gơnam yôm pơphăn biă mă, jing phun atur kjăp phik kiăng dua boh dêh čar pok jơlan đĭ kyar phrâo, pơtrut ngă hrŏm hăng ngă dlăm tui tơlơi rô nao rai kơđi čar đăo kơnang, dong yua nao rai dua ping gah, dua kơnuk kơna, gum pơgôp, jê̆ giăm, hâo hluh nao rai tơdruă.

Khua mir sir ơi Lương Cường kiăng dua bơnah ngă hrŏm hloh dong amăng bruă yôm phun kah hăng pơgang lŏn ia, rơnuk rơnua, pơtrut tui hăng pok prong lu tơlơi ngă hrŏm juăt hơmâo mơ̆ng hlâo kah hăng mơnuih kơhnăk bruă ia jrao, pơtô hrăm, bruă ngă hmua. Dua čô khua tŭ ư hơkrŭ kjăp tui tơlơi gum pơgôp, đăo kơnang nao rai kơplah wa dua Ping gah, dua kơnuk kơna hăng bruă pơphun na nao bruă pơbưp, bơkơtuai amăng hơdôm tal čuă jơmư, hăng pơbưp khua mua prong, ƀơi djŏp glông bruă, pok pơhai tŭ yua bruă ngă hrŏm Jơnum min Pơlir hơbit Kơnuk kơna hăng pơtrut ngă hrŏm amăng lu bruă kah hăng pơtô pơjuăt mơnuih mă bruă, ƀing khua wai lăng, pơbưp čơđai sang hră gưl prong.