Kiăng dưi ngă tui tơhnal ba tơbiă, hơdôm ding jum gơnong bruă rơkâo pok pơhai mơtăm sa dua jơlan gah kah hăng: pơsir prăk abih bang tui kơčăo bruă tuh pơplai bruă hrŏm găp ƀrô thun blan pơkă hmâo jao laih; pok pơhai dong Tơlơi pơtrun pơsit 68 mơ̆ng Ding jum kơđi čar kơ pơđĭ kyar bơwih ƀong mơnuih ƀôn sang; git gai hơdră bruă prăk kak gơgrong hlâo, pơplih tañ, hmao tlôn, ba glăi bôh tơhnal; pơtlaih kơ hơdôm rơwang bruă dô̆ glăi; hrưn đĭ truh abih thun 2025 ngă giong rơbêh kơ 100.000 bôh sang dô̆ mơnuih mơnam, 3.000 km jơlan đuăi hmar, hăng ba tơbiă pơplih pơkra hơdôm Tơlơi phiăn, amăng anun hmâo Tơlơi phiăn lŏn drŏn...

Klah čun jơnum, Khua dêh čar lăi rơđah 16 grŭp jao bruă, jơlan gah phun pơsir. Khua dêh čar rơkâo abih bang glông bruă kơđi čar khom pơphun bruă tui pran pơsit prong, gir run prong, ngă tui khut khăt, ba glăi bôh tơhnal, mă bruă hơpă giong bruă anun. Sang prăk Kơnuk kơna črâo ba hơđong nua, khom hrŏ trun kơmlai, djru bruă bơwih ƀong huă sĭ mơdrô hăng tơlơi bơwih ƀong kơ mơnuih ƀôn sang. Hơdôm tơring čar ƀôn prong ngă tui hloh dong pran jua gơgrong hlâo, pơčeh phrâo, đing nao lŏm lui sang tơ̆i, sang răm amăng đơ đam dêh čar hlâo kơ lơ 31/8./.