Tơring čar Lâm Đồng hơmâo pok pơhai man pơdong sang pơtô hrăm bơkơguăt drơi jăn dêh čar ƀơi Đà Lạt. Ring bruă anai yua Ding jum gru grua, bơrơguăt drơi jăn hăng tuai čuă ngui ngă pô tuh pơ alin, hơmâo man pơdong amăng kual mơnai prong rơbêh 10 ektar ƀơi phường Langbiang-Đà Lạt, abih tih prăk tuh pơ alin giăm 300 klai prăk. Ring bruă hơmâo 3 anih phun: B1, B2 hăng B3. Amăng anun, kual B3 phrâo man pơdong prong đơ đam giăm 3,5 ektar hơmâo dơnao mơnơi hơmâo bơbung, kual B2 pơprong rơbêh 3,7 ektar, hơmâo sang pơplông lu tơlơi bơrơguăt drơi jăn hơmâo man pơdong blan 10/2023 hăng him lăng pơgiong amăng rơnuč thun anai. kual B1 hơmâo dưm dăp kiăng man pơdong sang dŏ brơi ƀing nai pơtâo, ƀing rơgơi kơhnâo hăng ƀing hrăm bơrơguăt drơi jăn, hrŏm hăng lu anih yua pơkŏn dong, him lăng man pơdong amăng rơnuč thun 2026.

Ring bruă anai hơmâo tuh pơ alin tui jơlan gah pơplih phrâo hăng ha amăng plĕ, pơhlôm djop hơnong pơkă gưl dêh čar hăng jar kmar. Ring bruă anai djru brơi bruă pơtô hrăm, pơplông bơrơguăt drơi jăn kiăng mă miđai prong hloh hăng ngă lar hyu pran bơrơguăt drơi jăn amăng mơnuih ƀôn sang, pơlir hăng pơđĭ kyar tuai čuă ngui hăng gru grua, pơgôp amăng pơđĭ kyar bơwih ƀong huă-mơnuih mơnam amăng lŏn ia lăi hrŏm, amăng tơring čar Lâm Đồng hăng amăng kual hnun mơn.