Lơ 19/8, anom wai lăng kual bơwih ƀong hăng tuh tia pơkra ming tơring čar Khánh Hòa gum hrŏm grup hyu mă bruă mơng Grup ExxonMobil (Mi) pel ĕp sit nik ƀơi kual Nam Vân Phong. Grup hyu mă bruă hơmâo pel ĕp ƀơi hơdôm anih gêh gal, kual lŏn prong thơ̆, ia rơsĭ dơlăm, anih dưi man pơdong anih anom. Tui tơlơi rơkâo, akŏ bruă ExxonMobil hơmâo abih tih prăk tuh pơ alin him lăng giăm 10 klai đôlar mi, hơmâo hơdôm anih anun lĕ: sang măi hlong mă ia jâu phrâo hloh, anih dưm pioh, tơdrun đĭ trun hăng anih wai lăng măi mok.

Anai lĕ sang măi hlong pơkra huăi tơbiă asăp hơƀak jrak blung a amăng rŏng lŏn tơnah mơng grup, tơdah pok pơhai man pơdong ƀơi Việt Nam. Tui ƀing rơgơi kơhnâo, Nam Vân Phong, tơring čar Khánh Hòa arăng lăng lĕ anih lăp djơ̆ kiăng pơđĭ kyar anih hlong ia jâu pơprong yua dong amăng kual gêh gal kơplah wah glông ia rơsĭ jar kmar, hơgŏm angĭn, ia rơsĭ dơlăm hăng kual tơkuh nao rai jơlan rơdêh đuăi, jơlan rơdêh treng, lăp djơ̆ hăng tơlơi rơkâo pơdŭ pơgiăng ia jâu hăng gơnam măi mok kơtrâ̆o.