Ngă lơphet 80 thun hrơi Ngă hơkrŭ blan 8 truh kih hăng Akŏ pơdong Kơnuk kơna lŏn ia Cộng hòa xã hội chủ nghĩa Việt Nam, mơguah lơ 19/8, ƀơi Hà Nội pơphun jao glăi sang bruă Bắc Bộ Phủ gah Kơčăo bruă pơkra glăi phrâo Anih mă bruă mơ̆ng Khua mir sir.

Sang bruă Bắc Bộ Phủ pơdong ƀơi mrô 2 jơlan Lê Thạch, Hoàn Kiếm, Hà Nội, jing anih gru đưm yôm biă mă mơ̆ng Hà Nội, mơ̆ng Lŏn ia, anih Khua mir sir Hồ Chí Minh ngă bruă mơ̆ng hrơi blung a akŏ pơdong Kơnuk kơna Việt Nam Dân chủ Cộng hoà. Sang anai hơmâo djă pioh răk rem tui gru hơđăp mơ̆ng đưm, laih anun pơkra glăi kiăng hiam, kjăp tui amăng lăm hăng gah rơngiao, djơ̆ tui tơlơi kiăng amăng rơnuk phrâo, kiăo tui tơlơi kơdrưh mơ̆ng lŏn ia. Bắc Bộ Phủ amra tŏ tui ră ruai glăi tơlơi hơmâo mơ̆ng đưm hlâo kơ rơnuk tơdơi anai, laih dong jing anih pơ ala brơi kơ ƀô̆ adung mơta mơ̆ng dêh čar amăng hrơi jơnum hăng jar kmar, pơ ala kơ rup hiam mơ̆ng lŏn ia, ană mơnuih Việt Nam amăng mơta lăng mơ̆ng gơyut gơyâo čar rơngiao./.